आयसिस या आंतरराष्ट्रीय दहशतवादी संघटनेचा म्होरक्या अबु बक्र-अल-बगदादी याचा दोनच दिवसांपूर्वी अमेरिकन सैन्याने खात्मा केला. त्यानंतर आता त्याचा उत्तराधिकारी मानल्या जाणाऱ्या दहशतवाद्यालाही अमेरिकन सैन्याने ठार केले आहे. अमेरिकेचे राष्ट्राध्यक्ष डोनाल्ड ट्रम्प यांनी याची माहिती दिली. रॉयटर्सने याबाबत वृत्त दिले आहे. Just confirmed that Abu Bakr al-Baghdadi’s number one replacement has been terminated by American troops. Most likely would have taken the top spot - Now he is also Dead!— Donald J. Trump (@realDonaldTrump) October 29, 2019 ट्रम्प यांनी म्हटले की, "आत्ताच याची पुष्टी झाली आहे की, अबु बक्र-अल-बगदादीचा क्रमांक एकचा उत्तराधिकारी मानल्या जाणाऱ्या दहशतवाद्याचाही अमेरिकन सैन्याच्या तुकडीने खात्मा केला आहे. बगदादीनंतर तोच त्याची जागा चालवणार होता मात्र आता तो ही ठार झाला आहे." मात्र, ठार झालेला बगदादीचा हा उत्तराधिकारी नक्की कोण होता याचे स्पष्टीकरण ट्रम्प यांनी दिलेले नाही. दरम्यान, आयसिसचा प्रवक्ता आणि या जिहादी संघटनेचा टॉप रँकचा दहशतवादी अबु अल-हसन अल-मुहाजीर ठार झाला असल्याचे अमेरिकेने सोमवारी म्हटले होते.