News Flash

एकमेव उच्च शिक्षण नियामक तूर्तास नाही!

मनुष्यबळ विकास मंत्रालयाची माहिती

| August 14, 2017 12:48 am

मनुष्यबळ विकास मंत्रालयाची माहिती

विद्यापीठ अनुदान आयोग (यूजीसी) आणि अखिल भारतीय तांत्रिक शिक्षण परिषद(एआयसीटीई) एकाच उच्च शिक्षण नियामकाखाली आणण्याच्या सरकारच्या योजनेच्या मार्गात अडथळा आला असून मनुष्यबळ विकास  मंत्रालयाने सरकारच्या या योजनेला तूर्तास स्थगिती दिली आहे.

अधिकार कक्षा एकमेकांत मिसळणे आणि अप्रासंगिक नियामक तरतुदी दूर करण्यासाठी उच्च शिक्षण सक्षमीकरण नियमन संस्था सुरू करण्याच्या प्रयत्नात सरकार आहे. मनुष्यबळ विकास मंत्रालय आणि निती आयोग तांत्रिक आणि बिगरतांत्रिक शिक्षण संस्थांना एकाच नियमावलीअंतर्गत आणण्याच्या प्रयत्नात होत्या, पण त्यातही अपेक्षित प्रगती झाली नाही.

हा मुद्दा गेल्या आठवडय़ात  राज्यसभेत उचलण्यात आला होता. त्यावेळी मनुष्यबळ विकास  राज्यमंत्री उपेंद्र कुशवाहा यांनी अशा प्रकारच्या कोणत्याही प्रस्तावाबद्दल अद्याप विचार करण्यात आला नसल्याचे राज्यसभेत सांगितले.

विद्यापीठ अनुदान आयोग (यूजीसी) आणि अखिल भारतीय तांत्रिक शिक्षण परिषद (एआयसीटीई)  विलीन करून उच्च शिक्षण नियामक निर्माण करण्याचा कोणताही प्रस्ताव सध्या सरकारच्या विचाराधीन नाही, अशी माहिती कुशवाहा यांनी राज्यसभेत दिली. मनुष्यबळ विकास मंत्रालयाच्या या निर्णयामागचे कारण मंत्र्यालयाच्या अधिकाऱ्यांना विचारल्यानंतर त्यांनी याबद्दल कोणतीही माहिती दिली नाही.

उच्च शिक्षण नियामक स्थापन करण्याची कल्पना नवी नसून याआधीही मागील सरकारने नेमलेल्या विविध समित्यांनी अशा प्रकारची शिफारस केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 14, 2017 12:43 am

Web Title: all india council for technical education ministry of human resource development
Next Stories
1 काश्मीरमध्ये हिज्बुलचा टॉप कमांडर ठार; सुरक्षा दलाची मोठी कारवाई
2 गोरखपूर घटनेमागे कटकारस्थान; केंद्रीय मंत्र्यांना संशय
3 अब की बार फक्त लोकप्रिय निर्णयांचा प्रचार; मोदी सरकारचा सावध पवित्रा
Just Now!
X