पंतप्रधान नरेंद्र मोदी यांच्या वारणशी लोकसभा मतदारसंघात रविवारी भाजपचे राष्ट्रीय अध्यक्ष अमित शहा यांची जाहीर सभा होणार आहे. या वेळी मोठय़ा संख्येने जनता पक्षात प्रवेश करण्याची शक्यता आहे.सपाचे माजी स्थानिक नेते अनिल राजभर यांनी या सभेचे आयोजन केले आहे. रविवारी ते स्वत: भाजपमध्ये प्रवेश करणार आहेत. राजभर हे उत्तरप्रदेश नियोजन आयोगाचे सल्लागार होते. सपाचे नेते मुलायमसिंह यांच्या सरकारमध्ये राजभर यांना राज्यमंत्र्याचा दर्जा देण्यात आला होता. पूर्वाचलमधील मागासवर्गीय मोठय़ा प्रमाणावर रविवारी भाजपमध्ये प्रवेश करणार आहेत.
