News Flash

हाफिज सईदला अटकेपूर्वीच मिळाला जामीन

पाकिस्तानी वृत्तसंस्था 'डॉन' ची माहिती

लाहोरमधील एका दहशतवादविरोधी न्यायालया (एटीसी) ने जमात- उद- दावाचा म्होरक्या हाफिज सईदसह तीन जणांना अटकपूर्व जामीन मंजूर केला आहे. पाकिस्तानमधील डॉन या वृत्तसंस्थेने ही माहिती दिली आहे. एका मदरशाच्या जमिनीचा बेकायदा कामांसाठी वापर केल्याप्रकरणी झालेल्या सुनावणीत न्यायालयाने हा निर्णय दिला असल्याचे सांगण्यात आले आहे. न्यायालयाने हाफिज सईदसह हाफिज मसूद, आमेर हमजा आणि मलिक जफर यांना ३१ ऑगस्टपर्यंत ५० हजार रुपयांच्या जातमुचलक्यावर जामीन मंजूर केला आहे.

काही दिवस अगोदरच पंजाब पोलिसांच्या दहशतवाद विरोधी विभागाकडून टेरर फंडिंग प्रकरणी हाफिजसह जमातच्या १३ नेत्यांविरोधात २३ एफआयआर दाखल केले होते. शिवाय हाफिज सईद विरोधात ठोस पुरावे देखील असल्याचे सांगण्यात आले होते. काही दिवसांपूर्वीच न्यायालयाने जमात आणि जैश-ए-मोहम्मदच्या १२ कार्यकर्त्यांना पाच वर्षांच्या कारावासाची शिक्षा सुनावली होती.

असे सांगितले जात आहे की, या आरोपींनी पैसा गोळा करण्यासाठी पाच ट्रस्ट देखील तयार केल्या होत्या. ज्याद्वारे लश्कर-ए-तोयबा, जमात-उद-दावा आणि फलाह-ए-इंसानियत या संघटनांना मदत केली जात होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2019 5:31 pm

Web Title: an anti terrorism court atc in lahore has granted pre arrest bail hafiz saeed msr 87
Next Stories
1 …आणि संसदेत असदुद्दीन ओवेसींवर भडकले अमित शाह
2 सलाम ! तरुणीला वाचवण्यासाठी CRPF जवानांनी नदीत घेतली उडी
3 रोहित शेखरची पत्नी तुरुंगात शिकतेय टॅरो कार्ड रिडींग
Just Now!
X