हिमाचल प्रदेशमधील मॅक्लोडगंज येथील १८ शीख रेजिमेंटच्या एका जवानाने आपल्या दोन सहकारी जवानांवर गोळ्या झाडल्या. नंतर स्वत:वर गोळी झाडून त्याने आत्महत्या केली. सोमवारी सकाळी ही घटना उघडकीस आली. सैन्यदलाकडून या घटनेचा तपास केला जात आहे. यात इतर दोन जवानांचाही मृत्यू झाला आहे. आरोपी जवानाचे नाव जसबीर सिंग (वय २१, १८ शीख रेजिमेंट, रा. बर्नाला, पंजाब) असे आहे. ही घटना मध्यरात्री दोन वाजता घडली. जसबीर सिंगने हवालदार आणि नाईकवर गोळ्या झाडल्या. त्यानंतर त्याने स्वत:वर गोळी झाडत आत्महत्या केली. या गोळीबारामागचे कारण समजू शकलेले नाही. मिळालेल्या माहितीनुसार, हवालदार हरदीप सिंग (तरणतारण, पंजाब) आणि नाई हरपाल सिंग (गुरूदासपूर, पंजाब) असे मृत दोघांची नावे आहेत.
