News Flash

करोनाने मृत्यू होईल या भीतीने कुटुंबाने घेतलं कोंडून; १५ महिने घराबाहेर नाही ठेवलं पाऊल

हे कुटुंब आणखी दोन ते तीन दिवस घरात बंद राहिले असते तर कदाचित कोणीही वाचले नसते असे सरपंचांनी सांगितले

गावातील स्वयंसेवक जेव्हा त्यांच्या घरी गेले तेव्हा हा सर्व प्रकार उघडकीस आला

देशात प्राणघातक करोना व्हायरचा कहर अद्याप अजूनही सुरू आहे. अशातच करोनासंदर्भात आंध्र प्रदेशातीस एक विचित्र प्रकरण समोर आले आहे. आंध्र प्रदेशात बुधवारी करोना विषाणूची लागण होण्याच्या भीतीने पोलिसांनी १५ महिन्यांपासून घरातच अडकलेल्या एका कुटुंबाची सुटका केली. हे प्रकरण आंध्र प्रदेशातील कडाली गावचे आहे. गावच्या सरपंचांच्या म्हणण्यानुसार, करोनामुळे शेजार्‍याच्या मृत्यूनंतर ५० वर्षीय रूथम्मा यांनी पत्नी आणि दोन मुलांना घरातच बंदिस्त केले होते.

कसे उघड झाले प्रकरण?

सरकारी योजनेंतर्गत निवासी भूखंड वाटपासाठी जेव्हा गावातील एक स्वयंसेवक त्याच्या घरी गेला तेव्हा ही बाब उघडकीस आली. या स्वयंसेवकांनी गावातील सरपंच व इतर लोकांना घटनेची माहिती दिली. त्यानंतर गावचे सरपंच व बाकीचे गावकरी पोलिसांकडे गेले.

कुटुंबातीस सर्वांची प्रकृती खालावलेली

कडोली गावच्या सरपंचांनी सांगितले की करोनामुळे शेजाऱ्याच्या मृत्यूनंतर रुथम्मा नावाच्या ५० वर्षीय व्यक्तीने पत्नी आणि दोन मुलांना घरात बंदिस्त केले. त्यावेळी पोलिसांनी कुटुंबातील सदस्यांची सुटका केली तेव्हा सर्वांची प्रकृती खालावलेली होती. जेव्हा कोणी आरोग्य कर्मचारी त्याच्या घरी जात असत तेव्हा त्यांनी कोणतेही उत्तर दिले नाही असे सरपंचांनी सांगितले.

हे प्रकरण समोर आल्यानंतर पोलिसांना याची माहिती देण्यात आली.. यानंतर पोलिसांचे पथक तेथे पोहोचले आणि कुटुंबीयांना बाहेर काढले. कुटूंबाची परिस्थिती अत्यंत वाईट होती, बर्‍याच दिवसांपासून त्यांना आंघोळही केली नव्हती . पोलिसांनी घाईने कुटुंबातील सर्व सदस्यांना सरकारी रुग्णालयात नेले, जिथे आता सर्वांवर उपचार सुरू आहेत. सरपंचांच्या म्हणण्यानुसार हे कुटुंब आणखी दोन ते तीन दिवस घरात बंद राहिले असते तर कदाचित कोणीही वाचले नसते.

सर्वांवर रुग्णालयात उपचार सुरू

पोलिसांनी सध्या कुटुंबातील सर्वांना रुग्णालयात दाखल केले आहे, जिथे त्यांचा उपचार सुरु आहेत. या लोकांनी आंघोळ केली नव्हती आणि त्यांचे केसही कापले नव्हते असे पोलिसांनी सांगितले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2021 2:22 pm

Web Title: andhra family lived in tent house fearing covid for 15 months abn 97
टॅग : Corona,Coronavirus
Next Stories
1 अरे देवा! डॉक्टरांनी प्रसूती केली, पण कपडा महिलेच्या पोटातच राहिला
2 … असं करून १९७१च्या जखमा बऱ्या होणार नाहीत; अफगाणिस्ताननं पाकिस्तानला सुनावलं
3 “तारीख पे तारीख” ओरडत दिल्लीतील कोर्टात आदळआपट; दामिनीतल्या सनी देओलच्या डायलॉगची पुनरावृत्ती
Just Now!
X