उत्तर प्रदेशमधील कुशीनगर जिल्ह्यात एका शिक्षकाची हत्या करून पलायन करणाऱ्या एका व्यक्तीची जमावाकडूनच हत्या करण्यात आली. आरोपी पोलिसांकडे प्रत्यार्पण करणार होता. परंतु त्यापूर्वीच जमावानं त्याला पकडून त्याची हत्या केली. जमावाकडून आरोपीला बेदम मारहाण करण्यात आली. यामध्ये त्या आरोपीचा मृत्यू झाला. दरम्यान, आश्चर्याची बाब म्हणजे या घटनेच्या वेळी त्या ठिकाणी पोलीसदेखील उपस्थित होते. रामपुरमध्ये राहणार सुधीर सिंह हे शिक्षण म्हणून एका शाळेत कार्यरत होते. सोमवारी आपल्या घरी असताना रात्री ८ वाजता एक व्यक्ती त्यांच्या घरात शिरली. त्या व्यक्तीनं सिंह यांच्यावर तीन गोळ्या झाडल्या. त्यानंतर घराच्या छतावर चढून त्या व्यक्तीनं हवेतही गोळीबार केला. या घटनेनंतर पोलिसांनी आरोपीला पकडण्यापूर्वीच जमावानं त्या आरोपीला पकडलं. पोलिसांना पाहिल्यानंतर आरोपीनं प्रत्यार्पण करण्याचा प्रयत्न केला. परंतु पोलिसांनी कारवाई करण्यापूर्वी जमावानं त्या व्यक्तीला मारहाण सुरू केली. यामध्ये त्या आरोपीचा मृत्यू झाला. गोळीबाराची माहिती मिळाल्यानंतर बऱ्याच वेळानंतर पोलीस घटनास्थळी पोहोचल्याचं सांगण्यात आलं. तोपर्यंत स्थानिकांनी त्या व्यक्तीला घेरत मारहाण करण्यास सुरूवात केली. ही घटना सुरू असताना पोलीस घटनास्थळी पोहोचले. पोलिसांसमोरच ही घटना घडल्यानं आश्चर्य व्यक्त करण्यात येत आहे.
