मोबाईल उत्पादनात नावाजलेली अ‍ॅपल कंपनी लवकरच आपले दोन नवे स्मार्टफोन, 'आयफोन ५एस' आणि 'आयफोन लाईट' बाजारात दाखल करणार आहे. हे नवे स्मार्टफोन्स सप्टेंबर महिन्यात बाजारपेठेत दाखल होणार आहेत. अ‍ॅपल कंपनीचे मुख्य कार्यकारी अधिकारी टीम कुक म्हणाले,"आम्ही लवकरच आयफोन ५एस आणि आयफोन लाईट हे दोन नवे आयफोन्स बाजारात दाखल करणार आहोत. हे स्मार्टफोन्स त्यातील वैशिष्ट्यांमुळे आणि नव्या अपग्रेडेड तंत्रज्ञानामुळे ग्राहकांना नक्की आवडतील" 'आयफोन ५एस'मध्ये एलईडी १२मेगापिक्सेल कॅमेरा देण्यात आला असून या स्मार्टफोनमध्ये फिंगरप्रिंट स्कॅनरही असणार असल्याचे समजते.
