दिल्ली पोलिसांचा अवमानकारक उल्लेख केल्यामुळे मुख्यमंत्री अरविंद केजरीवाल अडणीत सापडण्याची शक्यता आहे. टेलिव्हिजन वाहिनीला दिलेल्या मुलाखती दरम्यान केजरीवाल यांनी दिल्ली पोलिसांना 'ठुल्ला' संबोधल्याचा आरोप करीत गोविंदपुरी पोलीस ठाण्यातील कर्मचारी हरविंदर सिंग यांनी केजरीवालांविरोधात तक्रार दाखल केली आहे, तर दिल्लीचे पोलीस उपायुक्त मधूर वर्मा यांनी ट्विटरवरून केजरीवालांवर निशाणा साधला आहे. कथित ठुल्ला संबोधल्या जाणाऱयांपैकी एकाने आज चार वर्षांच्या मुलीचे प्राण वाचवले आणि तिला सुरक्षित तिच्या आईकडे सोपवले, असे उपरोधिक ट्विट करीत वर्मा यांनी केजरीवालांना लक्ष्य केले आहे. One of our so called 'Thu**a' who rescued 4 yr old Khushbu from Kamla Nagar & reunited with her mother!! pic.twitter.com/mad7fBnjJ2 — Madhur Verma (@DCP_North_Delhi) July 19, 2015 जर एखाद्या ठुल्ला पोलीस कर्मचाऱयाने रस्त्यावरील विक्रेत्यांकडून पैशांची मागणी केल्यास त्यांच्याविरुद्ध कारवाई केली जाईल, असे वक्तव्य केजरीवाल यांनी केल्याचा दावा हरविंदर यांनी केला आहे.