दिल्लीकरांनी पुन्हा संधी दिली तर विद्यार्थ्यांसाठी मोफत बस, महिला सुरक्षेसाठी मोहल्ला मार्शल तैनात करण्याचे आश्वासन आम आदमी पक्षाने रविवारी दिले आहे. याबाबत मुख्यमंत्री अरविंद केजरीवाल यांनी हमीपत्र प्रसिद्ध केले आहे. यात पक्षाने दहा आश्वासने दिली आहेत. दोनशे युनिट्सपर्यंत मोफत वीज पुरवठा, मोफत आरोग्य सुविधा, दोन कोटी झाडे लावणे, यमुना नदी स्वच्छ करणे तसेच दिल्लीतील प्रदूषण कमी करणे याबाबत हमी आम आदमी पक्षाने दिली आहे. काँग्रेस-राजद आघाडी नवी दिल्ली : बिहार बाहेर आपले अस्तित्व निर्माण करण्याचा लालूप्रसाद यादव यांच्या राष्ट्रीय जनता दलाचा प्रयत्न आहे. त्यामुळे दिल्ली विधानसभा निवडणूक लढविण्याचा निर्णय त्यांनी घेतला आहे. काँग्रेसशी आघाडी करून ते चार जागा लढणार आहेत.