News Flash

गांधींच्या ‘राजघाटा’शेजारी भाजपाच्या वाजपेयींचा ‘अटलघाट’

भारतीय जनता पक्षाने माजी पंतप्रधान भारतरत्न अटलबिहारी वाजपेयी यांचं भव्य स्मृतीस्थळ उभारण्याचा निर्णय घेतला आहे

भारतीय जनता पक्षाने माजी पंतप्रधान भारतरत्न अटलबिहारी वाजपेयी यांचं भव्य स्मृतीस्थळ उभारण्याचा निर्णय घेतला आहे. ज्या ठिकाणी वाजपेयींवर अंत्यसंस्कार करण्यात आले त्या राष्ट्रीय स्मृती स्थळावरच हे स्मृतीस्थळ उभारण्यात येणार आहे. १६ ऑगस्ट रोजी अटलबिहारी वाजपेयी यांचं निधन झालं. १७ ऑगस्ट रोजी त्यांच्यावर अंत्यसंस्कार करण्यात आले.

इंडिया टुडेने दिलेल्या वृत्तानुसार, १५ सप्टेंबरपासून स्मृतीस्थळाच्या बांधकामाला सुरुवात होईल. बांधकामाची जबाबदारी असणाऱ्या टीमला वेगाने काम करण्यास सांगण्यात आलं असून लवकरात लवकर ते पूर्ण करण्याचा प्रयत्न आहे. मिळालेल्या माहितीनुसार, २५ डिसेंबरला वाजपेयींचा ९४ वा वाढदिवस असून त्याआधी स्मृतीस्थळाचं काम पूर्ण करण्याचा वरिष्ठ नेत्यांचा आदेश आहे.

बांधकामाची जबाबदारी असणाऱ्या टीमने २६ जानेवारी २०१९ च्या आधीच काम पूर्ण होईल असा विश्वास व्यक्त केला आहे. सुत्रांकडून मिळालेल्या माहितीनुसार, पुढील प्रजासत्ताक दिनाला स्मृतीस्थळाचं उद्घाटन करण्याचं नियोजन आहे. लोकसभा निवडणूक एप्रिल-मे २०१९ मध्ये पार पडण्याची शक्यता असून त्याआधी हे उद्घाटन पार पडेल. तसं पहायला गेल्यास वाजपेयींसाठी स्मृतीस्थळ उभारत भाजपा स्वत:चा राजघाट उभारत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 27, 2018 6:26 pm

Web Title: atal bihari vajpayee memorial to constructed at rashtriya smriti sthal
Next Stories
1 योगी आदित्यनाथ अर्भकं मृत्यू प्रकरणाचं राजकारण करताहेत : डॉ. काफिल खान
2 FB बुलेटीन : राहुल गांधींना संघाचं निमंत्रण, गोध्राप्रकरणी दोघांना जन्मठेप आणि अन्य बातम्या
3 …म्हणून शशी थरुर यांनी सुरु केला #ProudToBeMalayali चा ट्रेंड
Just Now!
X