टय़ुनिशियातील अध्यक्षीय रक्षकांना लक्ष्य करणाऱ्या दहशतवादी हल्ल्याच्या प्रकरणानंतर अधिकाऱ्यांनी दहशतवादी गटांशी संबंधित तीस संशयितांना अटक केली आहे. अंतर्गत संरक्षण मंत्रालयाने म्हटले आहे, की न्यायवैद्यक पोलिसांनी हल्लखोराचे नाव होसम बेन हेदी बेन मिलेद अब्देल्ली असे असल्याचे म्हटले आहे. त्याची डीएनए तपासणी करण्यात आली. तो टय़ुनिसमधील कामगार वस्तीत राहणारा होता. आयासिसने मंगळवारच्या या हल्ल्याची जबाबदारी स्वीकारली असून टय़ुनिसच्या बस स्थानकावर १२ जण मारले गेले होते. दहशतवादी गटांशी संबंध असलेल्या ३० जणांना अटक करण्यात आली आहे.
