ऑस्ट्रेलियाचे पंतप्रधान स्कॉट मॉरिसन यांनी रविवारी आपले ‘चांगले मित्र’ पंतप्रधान नरेंद्र मोदी आणि ऑस्ट्रेलियामधील हिंदू समुदायाला रंगांचा उत्सव असलेल्या होळीच्या शुभेच्छा दिल्या. "आमच्या हिंदु ऑस्ट्रेलियन समुदायाला, माझे चांगले मित्र असलेल्या नरेंद्र मोदी यांनाआणि जे लोक हा सण साजरा करीत आहेत अशा सर्वांना आनंदी आणि रंगीबेरंगी होळीच्या हार्दिक शुभेच्छा!" असे मॉरिसनने ट्विटरवर पोस्ट केले आहे. ऑस्ट्रेलियन नेत्याने व्हिडिओ संदेशासह त्यांच्या शुभेच्छा ट्वीट केल्या आणि हिंदीमध्ये ‘होली की शुभकामनाये’ असेही लिहिले. “रंगांचा अद्भुत उत्सव साजरा करणाऱ्या प्रत्येकास नमस्ते आणि हॅप्पी होळी. मागील वर्षी, होळीचा रंग, आपला उत्साह आणि आपले जीवन हे सर्व साथीच्या रोगाने व्यापले होते. त्या कठीण दिवसांमुळे होळीचा आनंद आपल्या जीवनातून निघून गेला होता. अजूनही आपण जे काही करतो आहे त्यावर या रोगाचे सावट आहे, परंतु यावर्षी आपण आपले डोळे उंच करून मोठ्या आत्मविश्वासाने भविष्याकडे पाहू शकतो," मॉरिसन म्हणाले. Wishing our Hindu Australian community, my good friend @narendramodi and all the people who are celebrating it, a happy and colourful Holi! होली की शुभकामनाएँ। pic.twitter.com/rjz1MA8gHJ — Scott Morrison (@ScottMorrisonMP) March 28, 2021 मॉरिसन यांनी भारताचे कौतुक करत असे सांगितले की, हा देश लसी बनविण्याचे 'जबरदस्त काम' करीत आहे आणि संपूर्ण जगाला व्यापकपणे मदत करत आहे. चतुष्पक्ष सुरक्षा संवाद ज्यामध्ये अमेरिका, जपान, ऑस्ट्रेलिया आणि भारत यांच्यातील अनौपचारिक सामरिक संवादात भारताने मुख्य भूमिका नोंदवली आहे. "आपण एकत्रितपणे पुढे जाण्याचा मार्ग शोधत राहू . ऐक्याच्या भावनेने, होळीच्या हार्दिक शुभेच्छा," असे ऑस्ट्रेलियन पंतप्रधान म्हणाले. कोरोना विषाणूच्या संसर्गामुळे कोविड - १९ आजाराची प्रकरणे देशात वाढत आहेत याच पार्श्वभूमीवर भारतभर रविवारी होळी साजरी करण्यात येणार असून अनेक राज्यांनी लोकांना आपल्या घरातील लोकांसह हा सण आपल्या घरात साजरा करावा आणि गर्दी टाळावी असे सांगितले आहे.