07 July 2020

News Flash

Ayodhya verdict : सुन्नी वक्फ बोर्डानं केलं निकालाचं स्वागत

सर्वोच्च न्यायालयाच्या विशेष घटनापीठाने दिला ऐतिहासिक निर्णय

(संग्रहित छायाचित्र)

रामजन्मभूमी आणि बाबरी मशीद वादावर सर्वोच्च न्यायालयाने ऐतिहासिक निकाल दिला आहे. अयोध्येतील वादग्रस्त जागेवर राम मंदिर बांधण्यात यावे, तर मशीद बांधण्यासाठी वेगळी ५ एकर जमीन देण्यात येणार आहे, असा निकाल सर्वोच्च न्यायालयाच्या घटनापीठाने दिला आहे. या निकालाचे सुन्नी वक्फ बोर्डाने स्वागत केले आहे. सर्वोच्च न्यायालयाने दिलेल्या निकालाचे आम्ही स्वागत करतो. या निकालासाठी बराच कालावधी गेला. मात्र अखेर त्याबाबतचा निकाल आला त्यामुळे आम्ही त्या निकालाचे स्वागत करत आहोत असे मत सुन्नी वक्फ बोर्डाने म्हटले आहे.

वाचा लाईव्ह अपडेट्स – Ayodhya verdict LIVE UPDATES : वादग्रस्त जागा हिंदुंना, मुस्लिमांना पर्यायी जागा देण्याचा निर्णय

सर्वोच्च न्यायालयाचे सरन्यायाधीश रंजन गोगोई, न्या. शरद बोबडे, न्या. धनंजय चंद्रचूड, न्या. अशोक भूषण आणि न्या. ए. अब्दुल नाझीर या पाच न्यायाधीशांच्या घटनापीठाने हा निकाल दिला. ३ महिन्याच्या कालावधीत एका ट्रस्टची स्थापना करून राम मंदिर बांधण्यात यावे, असाही निकाल सर्वोच्च न्यायालयाकडून देण्यात आला आहे.

अयोध्येतील वादग्रस्त २.७७ एकर जागा रामलल्लाची असल्याचा सुप्रीम कोर्टाने निकाल दिला आहे. या निकालाकडे संपूर्ण देशांचं लक्ष लागलं होते. निकालाच्या पार्श्वभूमीवर देशात ठिकठिकाणी या आधीच सुरक्षेची संपूर्ण खबरदारी घेण्यात आली आहे. रामजन्मभूमी मंदिरासाठी ट्रस्ट स्थापन करण्याचा तसेच मुस्लीम वक्फ बोर्डाला मशिदीच्या उभारणासाठी पाच एकरांची पर्यायी जागा देण्याचा निकाल न्यायालयानं दिला आहे. या खटल्याची सर्वोच्च न्यायालयाचे सरन्यायाधीश रंजन गोगोई, न्या. शरद बोबडे, न्या. धनंजय चंद्रचूड, न्या. अशोक भूषण आणि न्या. ए. अब्दुल नाझीर या पाच न्यायाधीशांच्या घटनापीठापुढे झाली. बाकी सगळे वादी प्रतिवादी अग्राह्य ठरवत केवळ रामलल्ला व सुन्नी वक्फ बोर्ड या दोघांचाच खटला लढवण्याचा हक्क सुप्रीम कोर्टानं मान्य केला. यामुळे सर्व वादग्रस्त जागेवर रामलल्लाचा हक्क असल्याचं सुप्रीम कोर्टाने म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 9, 2019 11:47 am

Web Title: ayodhya verdict sunni waqf board accept decision on ayodhya verdict supreme court vjb 91
Next Stories
1 Ayodhya verdict : अयोध्या निकालावर नवाब मलिक म्हणतात..
2 Ayodhya verdict : वादग्रस्त जागा हिंदुंना, मुस्लीमांना पर्यायी जागा देण्याचा निर्णय
3 अयोध्या निकालासंदर्भात पुणे पोलिसांचे पुणेकरांना आवाहन, म्हणाले…
Just Now!
X