29 September 2020

News Flash

करोनावर औषध शोधल्याचा दावा करणाऱ्या डॉक्टरला सर्वोच्च न्यायालयानं ठोठावला १०,००० दंड

ही औषधी वापरण्यासाठी केंद्राला आदेश देण्याची केली होती मागणी

संग्रहित छायाचित्र

करोनाच्या थैमानामुळे जनजीवन विस्कळीत झालं असून, प्रत्येकजण लसीची वाट बघत आहे. भारतासह अनेक देशात सध्या करोनाच्या लसीच्या चाचण्या सुरू असतानाच एका आयुर्वेदीक डॉक्टरनं करोनावर औषध सापडल्याचा दावा केला आहे. मात्र हा दावा करणं डॉक्टराच्याच अंगलट आला. आपण शोधलेली औषधी देशभरात वापरण्याचे आदेश केंद्र सरकारला देण्याची अजब मागणी करणाऱ्या या डॉक्टरची याचिका फेटाळून लावत सर्वोच्च न्यायालयानं १०,००० दंड ठोठावला.

जगभरात दररोज लाखो लोकांना करोनाचा संसर्ग होत आहे. अनेकांचा मृत्यूही झाला असून, करोनाचा प्रसार रोखण्यासाठी आंतरराष्ट्रीय पातळीवर प्रयत्न सुरू आहेत. तर दुसरीकडे लसीच्या चाचण्याही युद्धपातळीवर सुरू आहेत. अशात हरयाणातील एका आयुर्वेदिक डॉक्टरनं करोनावर औषध सापडल्याचा दावा केला आहे. इतकंच नाही तर ओमप्रकाश वेद ज्ञानतारा या बीएएमएस डॉक्टरनं थेट सर्वोच्च न्यायालयात धाव घेतली.

आणखी वाचा- करोनाबाधितांची संख्या २९ लाखांच्या पुढे; चोवीस तासात आढळले ६८,८९८ नवे रुग्ण

डॉक्टर ज्ञानतारा यांनी सर्वोच्च न्यायालयात जनहित याचिका दाखल करत जगभरात ८ लाख लोकांचा बळी घेणाऱ्या करोनावर औषध शोधल्याचा दावा केला. त्याचबरोबर करोनावर आपण शोधलेलं औषध डॉक्टर व रुग्णालयांनी वापरायला हवं असं त्यांनी याचिकेत म्हटलं होतं. या याचिकेवर शुक्रवारी सुनावणी झाली.

आणखी वाचा- भारताचा नवा उच्चांक, एका दिवसात नऊ लाखांहून अधिक करोना चाचण्या

सुनावणी वेळी डॉक्टर ज्ञानतारा यांनी आपण करोनावर शोधलेली औषधी वापरण्यासाठी केंद्र सरकारला न्यायालयानं आदेश द्यावेत, अशी मागणी केली होती. दरम्यान, सुनावणी अंती न्यायालयानं दाखल करण्यात आलेली जनहित याचिका चुकीची असल्याचं सांगत फेटाळून लावली. त्याचबरोबर अशा विचित्र याचिकासंदर्भात समाजात संदेश देण्यासाठी याचिकाकर्त्या डॉक्टरला १०,००० रुपये दंड ठोठावला. डॉक्टर ओमप्रकाश ज्ञानतारा यांचं शिक्षण बीएएमएस पर्यंत झालं आहे. सध्या ते आयुर्वेदिक डॉक्टर म्हणून उपचार करतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 21, 2020 3:00 pm

Web Title: ayurveda practitioner files pil claiming he has found cure for covid 19 sc fines him rs 10000 bmh 90
टॅग Coronavirus
Next Stories
1 पर्युषण काळात मुंबईतील जैन मंदिरं दोन दिवसांसाठी उघडणार; सर्वोच्च न्यायालयानं दिली परवानगी
2 अरेच्चा, हे काय! पती भांडणच करत नाही म्हणून महिलेनं मागितला घटस्फोट
3 Coronavirus Vaccine: पहिला मान योद्ध्यांचा; सैन्याला पहिले ५० लाख डोस देण्याचा मोदी सरकारचा विचार
Just Now!
X