News Flash

करोनावर औषध सापडल्याचा रामदेव बाबांचा दावा

करोनावर औषध सापडलं असून रुग्ण बरं होण्याचं प्रमाण ९९.९ टक्के असल्याचा रामदेव बाबांचा दावा

संग्रहित छायाचित्र

एकीकडे जगभरात करोनावरील लस शोधण्यासाठी संशोधक दिवस-रात्र मेहनत करत असताना योगगुरु रामदेव बाबा यांनी आपल्याला औषध सापडलं असल्याचा दावा केला आहे. रामदेव बाबा यांनी दावा करताना म्हटलं आहे की, आपल्याला करोनावर औषध सापडलं असून रुग्ण बरं होण्याचं प्रमाण ९९.९ टक्के आहे. एका वृत्तावाहिनीवर आयोजित कार्यक्रमात ते बोलत होते.

रामदेब बाबा यांनी यावेळी सांगितलं की, “आमच्या मुख्य औषधांमध्ये श्वासारी असून करोनाला रोखण्यासाठी तसंच गुंतागुंत सोडवण्यासाठी वापरत आहोत. याशिवाय गिलॉय धनवटी, तुलसी धनवटी आणि अश्वगंधा कॅप्सूल यांचा समावेश आहे. अशी आमची चार मुख्य औषधं आहेत. सर्दी, ताप तसंच इतर ज्या काही अडचणी निर्माण होतात त्यावर आम्ही नियंत्रण मिळवलं आहे. तसंच बरं होण्याचा प्रमाणही जबरदस्त आहे. मृत्यूदरही शून्य आहे”.

आणखी वाचा- भारतात करोना उपचारामध्ये होऊ शकतो महत्वाचा बदल, ‘या’ गोळीचा वापर थांबवणार?

“आपलं औषध करोना झाल्यानंतर त्याला संपवण्यासाठी आहे. आतापर्यंत आमची चार औषधं आणली आहेत. करोनाची लागण झाल्यानंतर बरे होण्यासाठी औषध म्हणून याचा वापर केला जाऊ शकतो,” अशी माहिती रामदेव बाबा यांनी दिली आहे. याआधीही रामदेव बाबा यांनी व्हायरसवर आपल्याकडे उपचार उपलब्ध असल्याचा दावा केला होता. माझी औषधे १०० टक्के परिमाणकार ठरतील असंही त्यांनी म्हटलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2020 2:22 pm

Web Title: baba ramdev claims that he has the treatment for the novel coronavirus sgy 87
टॅग : Coronavirus
Next Stories
1 आता भारत-जपान मिळून चंद्रावर जाणार, जाक्साने जाहीर केला कार्यक्रम
2 “मास्कचा वापर केला नसता तर आज…”, अभ्यासातून समोर आली महत्त्वाची माहिती
3 भारत-चीन वाद: भारताच्या मदतीसाठी पॅसिफिक महासागरात अमेरिकेने तैनात केल्या तीन विमानवाहू युद्धनौका
Just Now!
X