करोनावरील औषध कधी येतं याची प्रतीक्षा असणाऱ्या साऱ्यांनाच धक्का देत योगगुरू रामदेव बाबा यांनी करोनावर भल्यामोठ्या पत्रकार परिषदेत औषध लाँच केलं. “करोनावर १०० टक्के लागू होणारं औषध आणि ७ दिवसांत करोना बरा होईल,” असा दावाही रामदेव बाबा यांच्या पतंजलीनं केला होता. या औषधाची किंमत आणि ते सर्वसामान्यांसाठी उपलब्ध होईल की नाही, या बाबी आता समोर आल्या आहेत.

हे औषध लाँच करताना बाबा रामदेव म्हणाले होते की, “जग ज्या क्षणाची प्रतीक्षा करत होता तो क्षण आता आला आहे. करोनावरील पहिलं आयुर्वेदिक औषध तयार करण्यात आलं आहे. या औषधाच्या मदतीनं करोनाच्या सर्व प्रकारच्या गुंतागुंतीवर नियंत्रण ठेवू शकू. या औषधाच्या साहाय्यानं तीन दिवसांच्या आत ६९ टक्के रुग्ण बरे झाले आहेत. तर ७ दिवसांमध्ये १०० टक्के रुग्णांनी करोनावर मात केली आहे. या औषधाची चाचणी २८० जणांवर करण्यात आली आहे.”

Buldhana, Minor Girl, sexually Tortured, Case Registered, female friend,
बुलढाणा : अल्पवयीन मुलीला डांबून दहा दिवस अत्याचार; मैत्रिणीनेच दिला दगा….
March 2024 Monthly Horoscope in Marathi
March 2024 Monthly Horoscope : मार्च महिन्यात या तीन राशींचे बदलणार नशीब? वैवाहिक जीवन, करिअर अन् आर्थिक लाभ; ज्योतिषशास्त्र काय सांगते…
Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल
transgender gets death sentence
साडी-चोळी दिली नाही, सूड भावनेतून तीन महिन्यांच्या चिमुरडीवर लैंगिक अत्याचार करून खून; तृतीयपंथीयाला फाशीची शिक्षा

पण करोनिल हे औषध लाँच होताच आयुष मंत्रालयानं पतंजलीच्या या आयुर्वेदिक औषधाची वैधता तपासण्याचा निर्णय घेतला. तसेच याच्या संशोधनाचे सर्व कागदपत्रही मागितले. बुधवारी पतंजलीनं ते आयुष मंत्रालयाला दिले आहेत. मात्र आयुष मंत्रालयानं या औषधाच्या विक्री आणि विपणनावर स्थगिती आणली. जोवर यासंबंधी टास्कफोर्स निर्णय देत नाही, तोवर पतंजलीला हे औषध विकता येणार नाही किंवा त्याचं प्रमोशन करता येणार नाही, असं आयुष मंत्रालयानं स्पष्ट केलं.

करोनावरी औषध असं म्हटलेल्या करोनिलची किंमत किती?
पतंजलीनं करोनावरी औषध म्हणून एक किटच लाँच केली आहे. या किटमध्ये ३० दिवसांचे डोस आहेत. यासाठी ५४५ रुपये किंमत मोजावी लागेल, असं कंपनीनं म्हटलं आहे. सात दिवसांत हे करोनिल औषध बाजारात उपलब्ध होईल, असा दावा पतंजलीनं केला होता. पण, अजूनही या औषधाच्या विक्रीला आयुष मंत्रालयानं परवानगी दिलेली नाही. त्यामुळे ते सध्या तरी बाजारात उपलब्ध होणार नाही.