News Flash

…अन्यथा तुमच्या नुकसानासाठी आम्ही जबाबदार नाही, SBI चा ग्राहकांना अलर्ट

एसबीआयने ग्राहकांना सूचना दिली आहे

स्टेट बँक ऑफ इंडियाने ग्राहकांना पुन्हा एकदा आपलं खातं क्रमांक, मोबाइल क्रमांक किंवा खात्याशी संबंधित कोणतीही माहिती सोशल मीडियावर शेअर करु नये अशी सूचना केली आहे. तसं केल्यास होणाऱ्या नुकसानासाठी बँक जबाबदार राहणार नाही असं बँकेकडून सांगण्यात आलं आहे. बँकेच्या ट्विटवर प्रतिक्रिया देताना एका खातेधारकाने आपला बचत खातं क्रमांक तसंच इतर महत्त्वाची कागदपत्रं पोस्ट केली होती. यानंतरच बँकेकडून ही सूचना देण्यात आली आहे.

एसबीआयने ग्राहकाला तात्काळ ऑनलाइन शेअर करण्यात आलेली खासगी माहिती जाहीर करणारं ट्विट डिलीट करण्यास सांगितलं असून, फक्त आपली शंका रिपोस्ट करण्यास सांगितलं आहे.

एसबीआयने ग्राहकाला इशारा देताना लिहिलं आहे की, “कृपया आपलं खातं क्रमांक, मोबाइल क्रमांक किंवा खात्याशी संबंधित कोणतीही खासगी माहिती सुरक्षेच्या कारणास्तव सार्वजनिक ठिकाणी जाहीर करु नका. जर तुमचं काही नुकसान झालं तर त्यासाठी बँक जबाबदार राहणार नाही. कृपया तुम्ही दिलेली माहिती डिलीट करा आणि रिपोस्ट किंवा डीएम करा”.

“एसबीआय किंवा त्यांचे कर्मचारी कधीही तुम्हाला फोन, एसएमएस, ईमेलच्या माध्यमातून पेमेंट लिंक पाठवणार नाहीत तसंच व्हीपीए-युपीआयशी संबंधित संवेदनशील माहिती, युजर आयडी, पिन, इंटरनेट बँकिंग पासवर्ड, सीव्हीव्ही क्रमांक, ओटीपी इतर गोष्टी विचारणार नाहीत,” असंही एसबीआयने सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 13, 2019 3:38 pm

Web Title: bank not responsible for loss if you do this sbi customer alert sgy 87
Next Stories
1 राज्यांनी ‘ई-नाम’चा अंगीकार करावा – अर्थमंत्री
2 व्होडाफोनकडून भारतातून निर्गमनाचा निर्वाणीचा इशारा
3 अर्थव्यवस्था वाढीचा दर ४.२ टक्क्य़ांवर
Just Now!
X