05 April 2020

News Flash

बंगाली अभिनेते तपस पॉल यांचे निधन

कृष्णनगर मतदारसंघातून ते दोन वेळा खासदार होते.

‘रोझ व्हॅली’ प्रकरणात अटकेनंतर दोन वेळा खासदार  

प्रसिद्ध बंगाली अभिनेते व माजी तृणमूल काँग्रेस खासदार तपस पॉल यांचे मंगळवारी मुंबई येथील रुग्णालयात हृदयविकाराने निधन झाले. ते ६१ वर्षांचे होते.

पॉल यांना मुंबईतील एका खासगी रुग्णालयात दाखल करण्यात आले होते. जानेवारीत ते मुलीला भेटण्यासाठी मुंबईत आले होते. कृष्णनगर मतदारसंघातून ते दोन वेळा खासदार होते. सीबीआयने रोझ व्हॅली घोटाळ्यात अटक केल्यानंतर ते डिसेंबर २०१६ मध्ये चित्रपटातून राजकारणाकडे वळले होते. त्यांच्या पश्चात कन्या सोहिनी व पत्नी नंदिनी असा परिवार आहे. साहेब, अमर बंधन यांसारखे त्यांचे चित्रपट गाजले. त्यांचा जन्म हुगळी जिल्ह्य़ातील चंदननगर येथे झाला. त्यांनी हुगळी मोहसीन कॉलेजमधून पदवी घेतली.

नंदिनी पॉल यांनी सांगितले की, तपस यांना १ फेब्रुवारी रोजी ते अमेरिकेत उपचारासाठी जात असताना मुंबई विमानतळावर कोसळल्याने रुग्णालयात दाखल केले होते. पश्चिम बंगालच्या मुख्यमंत्री ममता बॅनर्जी यांनी त्यांच्या निधनाबाबत दु:ख व्यक्त केले आहे.

इ.स. २००० मध्ये तपस पॉल यांनी तृणमूलमध्ये प्रवेश केला होता नंतर अलिपोर मतदारसंघातून ते आमदार झाले. २००९ पासून दोनदा ते कृष्णनगर लोकसभा मतदारसंघातून निवडून आले. रोझ व्हॅली प्रकरणात त्यांना अटक झाली होती. त्यावेळी पक्षाने विचारपूसही केली नाही असा आरोप त्यांच्या कुटुंबीयांनी केला होता. नंतर ते जामीनावर सुटले आणि सक्रिय राजकारणातून माघार घेतली.

‘साहेब’साठी फिल्मफेअर 

दादार कीर्ती या चित्रपटातून त्यांनी सुरुवात केली नंतर पर्बत प्रिया, भालोबाशा भालोबाशा, अनुरागेर छोयान, अमर बंधन हे चित्रपट त्यांनी केले. हिरेन नाग यांच्या अबोध या चित्रपटात त्यांनी माधुरी दीक्षित नेने यांच्यासमवेत भूमिका केली. साहेब या चित्रपटासाठी त्यांना फिल्मफेअर पुरस्कार देण्यात आला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2020 12:42 am

Web Title: bengali actor tapas paul akp 94
Next Stories
1 ‘करोना’चा परिणाम : चीनमधील औषधी कंपन्या बंद; भारतात पॅरासिटामॉलच्या किंमतीत वाढ
2 “मासिक पाळीच्या काळात स्वयंपाक करणारी महिला पुढच्या जन्मी होईल कुत्री”
3 S-400 सिस्टिम वेळेत देण्याचा रशियाचा शब्द, संरक्षण व्यवहार १६ अब्ज डॉलरच्या घरात
Just Now!
X