News Flash

बिहार : मदरशाजवळील खोलीत मोठा स्फोट झाल्याने इमारतीचा भाग कोसळला

मदरश्याजवळील इमारतींना स्फोटानंतर कोणतीही हानी झालेली नाही.

स्फोटानंतर इमारतीचा भाग रस्त्यावर कोसळला ( फोटो सौजन्य - ANI )

मंगळवारी सकाळी झालेल्या मोठ्या स्फोटानंतर बिहारच्या बांका जिल्ह्यातील मदरश्याजवळील इमारतीचा भाग कोसळला आहे. या घटनेत चार जण जखमी झाले असून त्यांच्यावर स्थानिक रुग्णालयात उपचार सुरू आहेत अशी माहिती स्थानिकांनी दिली आहे. नवटोलिया भागातील मशिदीजवळील मदरशाशेजारील खोलीत हा स्फोट झाल्याची घटना घडल्याचे पोलिसांनी सांगितले. स्फोट इतका जोरदार होता की या इमारतीचा एक भाग रस्त्याच्या दोन्ही बाजूला पडला होता. यामध्ये मदरश्याचे मोठे नुकसान झाले आहे.

स्फोटानंतर गावात भीतीचे वातावरण

स्थानिकांनी दिलेल्या माहितीनुसार, बऱ्याच दिवसांपासून बंद असणाऱ्या मदरशाजवळील खोलीत हा स्फोट झाला. हा स्फोट बॉम्बस्फोटाचामुळे झाली की सिलिंडरचा स्फोटामुळे याचा शोध घेण्यासाठी पोलिसांनी घटनास्थळी फॉरेन्सिक टीमला बोलावले आहे. त्याठिकाणी श्वानपथकही तैनात करण्यात आले आहे. घटनेनंतर गावामध्ये दहशत पसरली आहे. ग्रामस्थांच्या म्हणण्यानुसार सकाळी आठच्या सुमारास ही घटना घडली त्यानंतर संपूर्ण परिसरात धूराचे लोट पहायला मिळाले. मदरश्याजवळील इमारतींना स्फोटानंतर कोणतीही हानी झालेली नाही.

“लॉकडाऊनमुळे मदरसा सुरु नव्हता. आम्ही एफएसएल टीम आणि बॉम्ब पथक घटनास्थळी येण्याची वाट पाहत आहोत. या ठिकाणी कोणीही जखमी झाल्याची माहिती मिळालेली नाही. स्फोटाचे कारण अद्याप सापडलेले नाही,” अशी माहिती बांकाचे पोलीस अधीक्षक अरविंद गुप्ता यांनी दिली.

दरम्यान, स्फोटानंतर मोठा पोलीस बंदोबस्त तैनात करण्यात आला आहे. बांका येथील वरिष्ठ पोलीस अधिकारी स्फोटस्थळी उपस्थित आहेत. घटनेची सखोल चौकशी केली जात असून स्थानिकांकडून माहिती घेतली जात आहे. तसेच नागरिकांना घाबरू नका असे आवाहनही त्यांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 8, 2021 3:54 pm

Web Title: bihar a part of the building collapsed due to a big explosion in the room next to the madrasa abn 97
टॅग : Crime News
Next Stories
1 करोनामुळे अनाथ झालेल्या बालकांचं अवैध दत्तक जाणं थांबवा: सुप्रीम कोर्टाचं आवाहन
2 मोदी-ठाकरे भेट : मराठी भाषेला अभिजात दर्जा मिळावा यासाठी मुख्यमंत्र्यांचं पंतप्रधानांकडे साकडं
3 लसीकरणासाठी कायपण! लस घ्या आणि मिळवा सोन्याची नाणी, स्कूटी आणि भरपूर महागडी बक्षीसं….
Just Now!
X