News Flash

भारतातील अनेक शहरांमध्ये बांगलादेशची ‘बिमान सेवा’

बांगलादेशमधील बिमान बांगलादेश या एअरलाइन्सने आपल्या ताफ्याचा आणि प्रणालीचा विस्तार करण्याची महत्त्वाकांक्षी योजना आखली असून भारतातील विविध शहरांमध्ये सेवेचा विस्तार करण्याचे ठरविले आहे.

| September 28, 2013 12:45 pm

बांगलादेशमधील बिमान बांगलादेश या एअरलाइन्सने आपल्या ताफ्याचा आणि प्रणालीचा विस्तार करण्याची महत्त्वाकांक्षी योजना आखली असून भारतातील विविध शहरांमध्ये सेवेचा विस्तार करण्याचे ठरविले आहे. येत्या काही महिन्यांतच कोलकात्याला जाणाऱ्या विमानांच्या संख्येत वाढ करण्यात येणार आहे.
ऑक्टोबर महिन्याच्या अखेरीस कोलकात्याहून आठवडय़ातून पाच उड्डाणांऐवजी दररोज दोन विमाने सोडण्याची योजना बिमानने आखली आहे. भारत आणि बांगलादेश यादरम्यान व्यवसायानिमित्त येणाऱ्या प्रवाशांना आपले काम आटोपून सायंकाळी पुन्हा घरी परतणे शक्य व्हावे यासाठी ही योजना आखण्यात येणार आहे, असे एअरलाइन्सचे व्यवस्थापकीय संचालक जॉन स्टील यांनी सांगितले.
ढाक्याहून सध्या कोलकाता आणि दिल्ली येथेच बिमान बांगलादेशची सेवा उपलब्ध आहे. दिल्लीला जाणाऱ्या विमानांच्या संख्येत वाढ करून येत्या दीड वर्षांत चेन्नई, बंगळुरू आणि मुंबईतही ही सेवा सुरू करण्याची योजना आहे. गुवाहाटी आणि भुवनेश्वर येथेही सेवा सुरू करण्याचा विचार आहे, असे सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2013 12:45 pm

Web Title: biman bangladesh air service in many cities of india
Next Stories
1 पाकिस्तानात भूकंपबळींची संख्या ५१५
2 जम्मू हल्ला : अब्दुल्लांकडून सुरक्षा यंत्रणांची कानउघडणी
3 केनिया मॉलवरील हल्ला : दहशतवाद्यांनी वापरलेली गाडी सापडली?
Just Now!
X