News Flash

‘बंगालमधील भाजप कार्यकर्त्यांची हत्या नव्हे, आत्महत्या’

शवविच्छेदनानंतर ही आत्महत्या असल्याचे स्पष्ट झाल्याचे जिल्हा पोलीस अधीक्षकांनी स्पष्ट केले.

(संग्रहित छायाचित्र)

विजेच्या खांबाला लटकलेल्या अवस्थेत मृतदेह आढळल्याने, राजकीय हत्येचा आरोप भाजपने केला होता. मात्र संबंधित व्यक्तीने आत्महत्या केल्याचा दावा पुरुलियाचे जिल्हा पोलीस अधीक्षक आकाश मेघरिया यांनी केला आहे. मृत दुलल कुमार हा भाजपचा कार्यकर्त्यां असल्याचा दावा करत पक्षाने १२ तासांच्या जिल्हा बंदची घोषणा केली होती. त्यामुळे जनजीवन विस्कळीत झाले.

शवविच्छेदनानंतर ही आत्महत्या असल्याचे स्पष्ट झाल्याचे जिल्हा पोलीस अधीक्षकांनी स्पष्ट केले. दरम्यान भाजप कार्यकर्त्यांनी राष्ट्रीय महामार्गावर रास्ता रोकोचा प्रयत्न केला. प्रशासनाने बंदचा काहीही परिणाम झाला नसल्याचे सांगितले. बंदचा प्रभाव बलरामपूर भागात अधिक जाणवला. येथे दोन भाजप कार्यकर्त्यांच्या हत्येचे प्रकार घडले होते. या राजकीय हत्या असून, केंद्रीय अन्वेषण विभागामार्फत चौकशी करण्याची मागणी भाजपने केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2018 12:51 am

Web Title: bjp activist suicide in bengal
Next Stories
1 ‘हे’ तर भुंकणारे सरकार; शेतकऱ्यांच्या प्रश्नावरुन काँग्रेसची मोदी सरकारवर टीका
2 परदेश दौऱ्यादरम्यान सुषमा स्वराजांच्या विमानाचा काही काळ संपर्क तुटल्याने गोंधळ
3 बिहारला विशेष राज्याचा दर्जा मिळायला हवा; रामविलास पासवानांची मागणी
Just Now!
X