कर्नाटकमध्ये भाजपाने सत्तास्थापन केली असतानाच काँग्रेस अध्यक्ष राहुल गांधी यांनी भाजपावर टीकास्त्र सोडले. भाजपा कर्नाटकमध्ये त्यांच्या 'पवित्र' विजयाचा जल्लोष करत आहे. पण दुसरीकडे देशभरात लोकशाहीच्या पराभवावर शोक व्यक्त केला जाईल, असे त्यांनी म्हटले आहे. कर्नाटकमधील भाजपा- काँग्रेसमधील सत्तासंघर्ष शिगेला पोहोचला आहे. भाजपाने सत्तास्थापन केली असतानाच दुसरीकडे काँग्रेसने भाजपावर टीका केली आहे. काँग्रेस अध्यक्ष राहुल गांधी यांनी ट्विटरवरुन भाजपावर निशाणा साधला. 'एकीकडे भाजपा कर्नाटकमधील विजयाचा जल्लोष करत असेल, पण दुसरीकडे भारतात लोकशाहीच्या पराभवामुळे शोक व्यक्त केला जाईल. भाजपाकडे सत्तास्थापनेसाठी आवश्यक संख्याबळ नसतानाही त्यांनी हा घाट घातला. ही संविधानाची थट्टाच आहे, असे त्यांनी म्हटले आहे.
