26 May 2020

News Flash

काश्मीरबाबत ब्रिटनमध्ये चर्चा; भाजप-काँग्रेस खडाजंगी

ब्रिटनमधील भारतीय वंशाच्या लोकांचा कॉर्बिन यांच्यावर दबाव आहे.

लंडन/ नवी दिल्ली : काँग्रेस पक्षाच्या काही सदस्यांच्या ब्रिटनमधील लोकप्रतिनिधींसोबत झालेल्या बैठकीत काश्मीरमधील मानवाधिकारांच्या परिस्थितीबाबत चर्चा झाल्याबाबत ब्रिटनमधील विरोधी मजूर पक्षाचे नेते जेरेमी कॉर्बिन यांनी केलेल्या दाव्यानंतर भाजप व काँग्रेसमध्ये शाब्दिक युद्धाला तोंड फुटले आहे. काँग्रेसने केलेल्या या ‘लज्जास्पद खोडसाळपणाबद्दल’ भाजपने गुरुवारी त्यांच्यावर जोरदार टीका केली आणि याबाबत स्पष्टीकरण मागितले.

त्यावर, स्वत:च्या अपयशापासून लोकांचे लक्ष विचलित करण्यासाठी भाजप अशा प्रकारची ‘द्वेषपूर्ण वक्तव्ये’ करत असल्याचे प्रत्युत्तर काँग्रेसने दिले. ब्रिटनच्या प्रतिनिधींची काँग्रेसच्या सदस्यांसोबत अतिशय फलदायी बैठक झाली आणि तीत आम्ही काश्मीरमधील मानवाधिकारांबाबत चर्चा केली, असे कॉर्बिन यांनी बुधवारी ट्विटरवर सांगितले.

जम्मू-काश्मीरचा विशेष दर्जा काढून घेण्याबाबत भारत सरकारने घेतलेल्या निर्णयाविरुद्ध मजूर पक्षाने ठराव संमत केल्यानंतर, ब्रिटनमधील भारतीय वंशाच्या लोकांचा कॉर्बिन यांच्यावर दबाव आहे. या भागात आंतरराष्ट्रीय हस्तक्षेपाचे आवाहन करण्यात आलेला हा ठराव भारतविरोधी असल्याचे तेथील भारतीयांचे म्हणणे आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 11, 2019 1:48 am

Web Title: bjp criticize after overseas congress chief meets controversial uk mp zws 70
Next Stories
1 रॅनबॅक्सीचे माजी प्रवर्तक शिविंदर सिंग यांना अटक
2 2019 Nobel Prize : ओल्गा तोकार्झूक आणि पिटर हँडके यांना साहित्यातला नोबेल जाहीर
3 कर्तारपूर कॉरिडॉर: इम्रान खान यांच्याकडून मनमोहन सिंग यांना उद्घाटन सोहळयाचे निमंत्रण
Just Now!
X