नगरपालिकेच्या अधिकाऱ्यांना बॅटने मारहाण करणारे आमदार आकाश विजयवर्गीय यांना भाजपाकडून कारणे दाखवा नोटीस पाठवली आहे. पक्षाच्या शिस्तपालन समितीद्वारे ही नोटीस पाठवण्यात आली आहे. या अगोदर मंगळवारी पंतप्रधान मोदींनी भाजपाच्या संसदीय मंडळाच्या बैठकीत आमदार आकाश विजयवर्गीय यांना घेऊन मोठे विधान केले होते. शिवाय नाराची व्यक्त करत म्हटले होते की, कोणाचाही मुलगा असो, पक्षातून काढायला हवा. यावेळी मोदींनी आकाश विजयवर्गीय यांचे नाव घेतले नव्हते.
BJP Disciplinary Committee has issued a showcause notice to Indore MLA Akash Vijayvargiya who had attacked a municipal corporator with a cricket bat last month (file pic) pic.twitter.com/Ha74T9ssrA
— ANI (@ANI) July 4, 2019
यासंबंधी भाजपाचे खासदार राजीव प्रताप रूडी यांनी सांगितले की, पक्षाचे सरचिटणीस कैलाश विजयवर्गीय यांचे चिरंजीव आकाश विजयवर्गीय यांच्याबद्दल पंतप्रधान मोदी अतिशय नाराज आहेत. त्यांनी म्हटले आहे की, अशा प्रकारची वर्तवणुक कधीच खपवून घेतली जाणार नाही. मग तो कुणाचाही मुलगा किंवा खासदार असला तरी फरक पडणार नाही. अशी माणसं पक्षात नसालया हवीत कोणालाही गर्व नसला पाहिजे व योग्य वर्तवणुक ठेवायला हवी.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on July 4, 2019 6:02 pm
