27 February 2021

News Flash

‘राम मंदिर बांधले गेले नाही तर जनतेचा भाजपावरचा विश्वास उडेल’

राम मंदिराच्या निर्मितीसाठी अध्यादेश हा एकमेव उपाय आहे असेही बाबा रामदेव यांनी म्हटले आहे

योगगुरु रामदेव बाबा (संग्रहित छायाचित्र)

भाजपाची सत्ता देशात आहे, त्यांनी राम मंदिराचे काम सुरु केले नाही तर जनतेचा सत्ताधाऱ्यांवरून विश्वास उडेल असे योगगुरु बाबा रामदेव यांनी म्हटले आहे. तसेच कारसेवक मंदिराचे बांधकाम सुरु करू शकत नाहीत कारण हे प्रकरण न्याय प्रविष्ट आहे. त्यामुळे राम मंदिराची निर्मिती करण्यासाठी अध्यादेश आणणे हा एकमेव पर्याय सरकारपुढे आहे असेही बाबा रामदेव यांनी म्हटले आहे.

योगगुरु बाबा रामदेव यांनी हरिद्वार या ठिकाणी शदाणी दरबाराच्या पाच मजली भवनाचे उद्घाटन केले. त्यानंतर पत्रकारांनी त्यांना राम मंदिराबाबत प्रश्न विचारला असता त्यांनी राम मंदिराची निर्मिती करायची असेल तर अध्यादेश हा एकमेव पर्याय असल्याचे म्हटले आहे. राम मंदिर उभारणे हा प्रश्न हिंदू अस्मितेशी जोडला गेला आहे. यासाठी केंद्राने लवकरात लवकर अध्यादेश आणायला हवा नाहीतर जनतेचा भाजपावरचा विश्वास उडेल.

तीन दिवसांपूर्वीही बाबा रामदेव यांनी याच प्रकारचे वक्तव्य केले होते. राम मंदिराबाबत केंद्राने अध्यादेश आणला नाही तर लोकांचा संयम संपेल. अनेक रामभक्त स्वतःहूनच मंदिर बांधण्यास सुरुवात करतील. जर तसे झाले तर धार्मिक तेढ वाढू शकते. लोकांचा संयम सुटण्याची वाट सरकारने पाहू नये त्याऐवजी राम मंदिर बांधण्यासंबंधीचा अध्यादेश आणावा आणि लवकरात लवकर अयोध्येत मंदिराचे काम सुरु करावे. आता जर राम मंदिर बांधले गेले नाही तर लोक आक्रमक होऊ शकतात. त्यानंतर परिस्थिती चिघळली तर ती सर्वस्वी जबाबदारी सरकारची असेल असेही त्यांनी म्हटले होते. आज पुन्हा एकदा लवकरात लवकर राम मंदिराच्या निर्मितीसाठी अध्यादेश आणला जावा अशी मागणी त्यांनी केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 27, 2018 9:19 pm

Web Title: bjp in power in state centre if even then rammandir is not constructed then ppl will lose trust in bjp says baba ramdev
Next Stories
1 पंतप्रधान नरेंद्र मोदींना सार्क परिषदेचं निमंत्रण पाठवणार पाकिस्तान
2 ‘रावण’ नाही चुलबुल पांडे म्हणा – भीम आर्मी प्रमुख
3 शबरीमला मंदिर प्रवेशासाठी आंदोलन करणाऱ्या रेहाना फातिमाला अटक
Just Now!
X