11 August 2020

News Flash

शाब्दिक ‘वॉर’ : भाजपाध्यक्ष नड्डा म्हणाले, प्रिय डॉ. सिंग-काँग्रेस… सुधरा अजूनही वेळ गेलेली नाही!

"डॉ. मनमोहन सिंग हे भारतीय भूमी चीनला बहाल करणाऱ्या काँग्रेस पक्षाचेच नेते"

काँग्रेस नेते आणि माजी पंतप्रधान डॉ. मनमोहन सिंग यांनी पंतप्रधान नरेंद्र मोदींनी केलेल्या वक्तव्यावर खरमरीत पत्राद्वारे टीका केल्यानंतर आता काँग्रेस आणि भाजपातील शाब्दिक वादाला धार आली आहे. यावेळी डॉ. मनमोहन सिंग यांना थेट भाजपाध्यक्ष जेपी नड्डा यांनी प्रत्युत्तर दिलं आहे.

“पंतप्रधानांनी बोलताना काळजी घेतली पाहिजे. आपल्या शब्दांचा वापर चीनला भारताचं समर्थन म्हणून वापरण्याची संधी पंतप्रधानांनी देऊ नये. नियंत्रण रेषेवरील समस्या सोडवण्यासाठी केंद्र सरकारने सर्व पर्याय वापरावेत तसंच ते चिघळू नयेत यासाठीही प्रयत्न करणं गरजेचं आहे,” असं डॉ. मनमोहन सिंग यांनी पत्रात म्हटलं होतं.

त्यांच्या पत्रानंतर भाजपाध्यक्ष जेपी नड्डा यांनी काही टि्वट करून काँग्रेस आणि डॉ. मनमोहन सिंग यांनी उत्तर दिलंय. नड्डा म्हणाले, “४३ हजार किमी भारतीय भूमी चीनला बहाल करणाऱ्या काँग्रेस पक्षाचेच डॉ. मनमोहन सिंग हे नेते आहेत. यूपीएच्या काळात कोणतंही युद्ध न होता आपला भूभाग गमावला. सातत्यानं आपल्या सैन्य दलांचा अपमान केला गेला.”

आणखी वाचा- मोदींच्या ‘त्या’ वक्तव्यावर मनमोहन सिंग यांची टीका, म्हणाले चीनला होऊ नये फायदा

जेपी नड्डा आपल्या दुसऱ्या टि्वटमध्ये म्हणाले की, “प्रिय डॉ. सिंग आणि काँग्रेस पार्टी, कृपया आपल्या सैन्यदलांच्या शौर्यावर प्रश्न उपस्थित करणं थांबवा. त्यांचा अपमान करू नका. हेच तुम्ही सर्जिकल स्ट्राइक आणि एअर स्ट्राइकनंतरही केलं होतं. कृपया राष्ट्रीय एकात्मतेचा अर्थ संमजून घ्या. किमान या काळात तरी तो समजून घ्यायला हवा. अजूनही सुधारायला उशीर झालेला नाही.”

आणखी वाचा- “सॅटेलाइट फोटोत चीनने आपल्या जमिनीचा ताबा घेतल्याचं स्पष्ट दिसतंय”; राहुल गांधींनी शेअर केला व्हिडीओ

भाजपाध्यक्षांना काँग्रेसचं प्रत्युत्तर
भाजपाध्यक्ष जेपी नड्डा यांना काँग्रेसनंही प्रत्युत्तर दिलं. काँग्रेसचे रणदीप सुरजेवाला यांनी म्हटले की, भाजपा आणि जेपी नड्डा यांनी आता राष्ट्रीय सुरक्षेसंदर्भात तडजोड करणं थांबवाव.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 22, 2020 1:39 pm

Web Title: bjp jp nadda reply on manmohan singh statement pm modi china galwan valley pkd 81
Next Stories
1 “भगवान जगन्नाथ उद्या येऊ शकले नाही, तर पुढील १२ वर्ष येऊ शकणार नाहीत”, सरकारची कोर्टात बाजू
2 वकिलाचं ‘Work From Bed’ बघून सर्वोच्च न्यायालयाचे न्यायाधीश भडकले; म्हणाले…
3 रिलायन्सचा आणखी एक विक्रम; १५० अब्ज डॉलर्स बाजार मूल्य असणारी पहिली भारतीय कंपनी
Just Now!
X