भाजपा नेते संबित पात्रा पुन्हा एकदा चर्चेत आले आहे. एका वृत्तवाहिनीवर सुरू असलेल्या चर्चेदरम्यान ते समोरील व्यक्तीवर भडकले. यावेळी त्यांनी रागाच्या भरात त्यांच्या डोक्यावर सॅनिटायझर टाकलं पाहिजे, नाहीतर हे गोंधळ घालून सर्वांना वेडं करतील, असं म्हटलं. एका वृत्तवाहिनीवर शाहीन बागमधील आंदोलनावर चर्चा सुरू होती. त्यावेळी हा प्रकार घडला. करोना व्हायरसचा वाढता प्रादुर्भाव पाहता शाहीन बाग परिसर रिकामा करण्यात यावा या मुद्द्यावर ते बोलत होते. यावेळी हा प्रकार घडला. याविषयावर चर्चा करण्यासाठी संबित पात्रा आणि महमूद पराचा उपस्थित होते. चर्चेदरम्यान, संबित पात्रा यांना प्रश्न विचारण्यात आला. ते उत्तर देत असतानाच मध्येच पराचा यांनी त्यांत व्यत्यय आणण्य़ाचा प्रयत्न केला. त्यावर संबित पात्रा यांचा राग अनावर झाला. त्यानंतर ते पराचा यांच्यावर भडकले. त्यावेळी पात्रा यांनी अँकरला त्यांचा आवाज कमी करण्यास सांगण्याची विनंती केली. त्यानंतर त्यांनी वाहिनीच्या कॅमेरामनला सॅनिटायझर त्यांच्या डोक्यावर ओतण्यास सांगितलं. त्यांना हातासोबतच डोकंही धुण्याची आवश्यकता आहे. हे काय बोलत आहेत आणि आम्ही त्यांना सहन करत आहोत, असंही ते यावेळी म्हणाले. तुम्ही आवाज कमी केला नाही तर आम्ही वेडे होऊ. करोना व्हायरसच्या चर्चेदरम्यानही कुस्तीचा आखाडा सुरू केला आहे, असंही ते रागावलेल्या स्वरात म्हणाले.
