News Flash

दादरी हत्याकांड : भाजप नेत्याच्या मुलगा मुख्य आरोपी, आरोपपत्र दाखल

मोहंमद अखलाक यांना घरात गोमांस बाळगल्याच्या आरोपावरून जमावाने ठेचून मारल्याची नृशंस घटना घडली होती.

पंधरा जणांविरोधात आरोपपत्र दाखल करण्यात आले असून बुधवारी अटक करण्यात आलेल्या आणखी दोघांविरोधात अतिरिक्त आरोपपत्र दाखल करण्यात येणार आहे.

भारतीय जनमानस हेलावून टाकणाऱ्या दादरी हत्याकांडप्रकरणी उत्तर प्रदेशमधील गौतमबुद्ध पोलीस ठाण्याकडून १५ जणांविरुद्ध आरोपपत्र दाखल करण्यात आले. आरोपपत्रामध्ये भारतीय जनता पक्षाचे स्थानिक नेत्याचा मुलगा विशाल राणा आणि त्याचा चुलत भाऊ शिवम यांचे मुख्य आरोपी म्हणून नाव आहे. या दोघांनी मिळूनच जमाव मोहंमद अखलाखच्या घरी नेला होता, असा आरोप पोलिसांनी ठेवला आहे.
दादरी येथील मोहंमद अखलाक यांना घरात गोमांस बाळगल्याच्या आरोपावरून जमावाने ठेचून मारल्याची नृशंस घटना २८ सप्टेंबर रोजी घडली होती. त्यांचा मुलगा दानिश या हल्ल्यात गंभीर जखमी झाला होता. या घटनेमुळे देशातील वातावरण ढवळून निघाले होते. या हत्याकांडाशी संबंधित ७ आरोपींची मागील दोन दिवसांत धरपकड करण्यात आली. पंधरा जणांविरोधात आरोपपत्र दाखल करण्यात आले असून बुधवारी अटक करण्यात आलेल्या आणखी दोघांविरोधात अतिरिक्त आरोपपत्र दाखल करण्यात येणार आहे. दोघा फरारींचा शोध सुरू असूनही तेही लवकरच पोलिसांच्या ताब्यात येतील, अशी माहिती ग्रेटर नोएडाचे पोलीस उपअधीक्षक अनुराग सिंग यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 24, 2015 2:52 pm

Web Title: bjp leaders son among 15 named in dadri lynching chargesheet
टॅग : Dadri Lynching
Next Stories
1 मी चूक काय केली हे तरी सांगा, कीर्ती आझादांचा थेट मोदींना सवाल
2 सौदी अरेबियातील रुग्णालयात आग, २५ जणांचा होरपळून मृत्यू
3 रेल्वेच्या तात्काळ शुल्कात ३३ टक्क्यांपर्यंत वाढ, प्रवाशांना फटका
Just Now!
X