News Flash

भाजपा आमदार के.जी.बोपय्या कर्नाटक विधानसभेचे हंगामी अध्यक्ष

कर्नाटकचे राज्यपाल वजूभाई वाला यांनी शुक्रवारी दुपारी बोपय्या यांना विधानसभाअध्यक्षपदाची शपथ दिली. उद्या दुपारी चार वाजता विधानसभेत बहुमत चाचणी होणार आहे.

विराजपेठ येथील भाजपा आमदार के.जी.बोपय्या यांची कर्नाटक विधानसभेच्या हंगामी अध्यक्षपदी नियुक्ती करण्यात आली आहे. उद्या होणाऱ्या महत्वपूर्ण विश्वासदर्शक ठरावाच्यावेळी बोपय्या विधानसभेचे अध्यक्ष असतील. कर्नाटकचे राज्यपाल वजूभाई वाला यांनी शुक्रवारी दुपारी बोपय्या यांना विधानसभाअध्यक्षपदाची शपथ दिली. उद्या दुपारी चार वाजता विधानसभेत बहुमत चाचणी होणार आहे.

कर्नाटक विधानसभेत शनिवारी संध्याकाळी चार वाजता बहुमत सिद्ध करावे, असे आदेश सुप्रीम कोर्टाने सत्ताधारी भाजपाला दिले आहेत. बहुमत चाचणी सोमवारी घ्यावी, ही भाजपाची मागणी सुप्रीम कोर्टाने फेटाळून लावली आहे.विश्वासदर्शक ठरावाच्यावेळी विधानसभा अध्यक्षांची भूमिका महत्वाची ठरणार आहे. विधानसभेत गोंधळ झाल्यास काँग्रेस आणि जेडीएसच्या काही आमदारांना अपात्र ठरवले जाऊ शकते. त्यावेळी बहुमताचा आकडा आपोआप कमी होईल आणि भाजपाचा बहुमत सिद्ध करण्याचा मार्ग मोकळा होईल.

के.जी.बोपय्या चार वेळा विधानसभेवर निवडून गेले असले तरी ते सभागृहतील सर्व सर्वात वरिष्ठ आमदार नाहीत. काँग्रेस आमदार आर.व्ही.देशपांडे आठवेळा विधानसभेवर निवडून गेले आहेत. बोपय्या विराजपेठमधून सलग तीनवेळा निवडून विधानसभेवर गेले आहेत. महाविद्यालयीन जीवनात ते भाजपाची विद्यार्थी शाखा अखिल भारतीय विद्यार्थी परिषदेमध्ये सक्रिय होते. बोपय्या यांची नियुक्ती करण्याचा राज्यपालांचा निर्णय धक्कादायक आहे असे कर्नाटकातील काँग्रेसचे प्रमुख दिनेश राव यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 18, 2018 5:54 pm

Web Title: bjp mls kg bopaiah karnataka assembly pro tem speaker
Next Stories
1 सत्तेसाठी कर’नाटक’; २४ तास आणि ४ शक्यता ठरवणार येडियुरप्पांचे भवितव्य
2 सीमेवर परिस्थिती चिघळणार! पाकिस्तानच्या हल्ल्यात जवान शहीद, चार नागरीक ठार, १२ जखमी
3 कर्नाटकातील सत्तासंघर्ष: जाणून घ्या कोर्टात नेमके काय घडले, काय म्हणाले भाजपाचे वकील?
Just Now!
X