भाजपा नेते आणि राज्यसभा खासदार अशोक गस्ती यांचं करोनामुळे निधन झालं आहे. ५५ वर्षीय अशोक गस्ती यांची प्रकृती बिघडल्याने मनिपाल रुग्णालयात दाखल करण्यात आलं होतं. रुग्णालयाचे संचालक डॉक्टर मनिष राय यांनी गुरुवारी रात्री १०.३० वाजण्याच्या सुमारास अशोक गस्ती यांचं निधन झालं असल्याची माहिती दिली. दरम्यान भाजपा नेत्यांच्या ट्विटमुळे अशोक गस्ती यांच्या निधनावरुन काही वेळासाठी गोंधळ निर्माण झाला होता. रुग्णालयाने दिलेल्या माहितीनुसार, "अशोक गस्ती यांना करोनाची लागण झाली होती. अनेक अवयव निकामी झाले होते. त्यांना आयसीयूमध्ये व्हेंटिलेटरवर ठेवण्यात आलं होतं. अखेर उपचारादरम्यान त्यांचं निधन झालं". अशोक गस्ती उत्तर कर्नाटकातील रायचूर येथील होते. त्यांनी बूथ वर्करपासून आपल्या कामाला सुरुवात केली होती. पंतप्रधान नरेंद्र मोदी यांनीही अशोक गस्ती यांच्या निधनावर शोक व्यक्त केला असून त्यांचा समर्पित कार्यकर्ता असा उल्लेख केला. उपराष्ट्रपती व्यंकय्या नायडू, केंद्रीय गृहमंत्री अमित शाह यांनीही ट्विट करत अशोक गस्ती यांना श्रद्धांजली वाहिली. Rajya Sabha MP Shri Ashok Gasti was a dedicated Karyakarta who worked hard to strengthen the Party in Karnataka. He was passionate about empowering the poor and marginalised sections of society. Anguished by his passing away. Condolences to his family and friends. Om Shanti. — Narendra Modi (@narendramodi) September 17, 2020 Deeply saddened to learn about the demise of Shri Ashok Gasti, Rajya Sabha Member. He was known for his simplicity and commitment for the upliftment of the downtrodden. My heartfelt condolences to the bereaved family members. Om Shanti! — Vice President of India (@VPSecretariat) September 17, 2020 जून महिन्यात अशोक गस्ती यांची बिनविरोध निवड झाली होती. पण करोनामुळे अशोक गस्ती संसदेत उपस्थित राहू शकले नव्हते. अशोक गस्ती पहिल्यांदाच राज्यसभेवर निवडून गेले होते. उमेदवारी मिलळाल्यानंतर एका बूथ वर्करला इतकी मोठी संधी दिल्याबद्दल आभार मानताना हा आपल्याासठी खूप आनंदाचा क्षण असल्याची भावना व्यक्त केली होती.
