30 March 2020

News Flash

राम मंदिर उभारणीचा प्रस्ताव मोदींनी संसदेत मांडावा: सुब्रमण्यम स्वामी

'अयोध्येतील त्या जागेवर मंदिर होते'

भाजप खासदार सुब्रमण्यम स्वामी. (संग्रहित छायाचित्र)

अनेक दशकांपासून राम जन्मभूमी-बाबरी मशीद वाद सुरू आहे. या प्रकरणावर सर्वोच्च न्यायालयात सुनावणी सुरू आहे. अयोध्येत राम मंदिर उभारण्याच्या बाजूनेच न्यायालय निकाल देईल, अशी आशा भाजपचे खासदार सब्रमण्यम स्वामी यांनी व्यक्त केली आहे. अलाहाबादमधील एका कार्यक्रमात ते बोलत होते. बाबरी मशीद बांधण्यापूर्वी त्या ठिकाणी एक मंदिर अस्तित्वात होते, असा अहवाल अलाहाबाद उच्च न्यायालयाने नियुक्त केलेल्या दोन तज्ज्ञांच्या पथकाने दिला होता, असा दावाही त्यांनी केला. या अहवालाच्या आधारावर पंतप्रधान नरेंद्र मोदी यांनी राम मंदिर बांधण्याचा प्रस्ताव संसदेत मांडावा, असे ते म्हणाले. या प्रकरणावर सर्वोच्च न्यायालय काय निकाल देणार याची प्रतीक्षा आहे. त्यानंतरच याबाबत निर्णय घेता येईल, असेही ते म्हणाले.

अयोध्येतील वादग्रस्त जागेवर मंदिर होते, असे पुरातत्व खात्याने सर्वेक्षणात म्हटले आहे. याच अहवालाच्या आधारे पंतप्रधान मोदी यांनी राम मंदिर उभारणीसंदर्भात संसदेत प्रस्ताव आणावा, असे स्वामी म्हणाले. भाजपचे ज्येष्ठ नेते लालकृष्ण अडवाणी आणि उमा भारती यांनी अयोध्येतील मशीद पाडली नाही, असा दावाही त्यांनी केला. मुस्लिमांनी ४० हजार हिंदू मंदिरे तोडली होती. पण हिंदू समाज केवळ मथुरा, अयोध्या आणि वाराणसी येथील तीन मंदिरांची मागणी करत आहे. त्यासाठी मुस्लिम समाजाने पुढाकार घ्यायला हवा, असे आवाहनही त्यांनी केले. मुस्लिम आणि हिंदू हे एकाच कुटुंबातील सदस्य आहेत, असेही ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 22, 2017 9:26 am

Web Title: bjp mp subramanian swamy hopes supreme court order will favour ram temple ayodhya
Next Stories
1 पाकिस्तानने यापुढे दहशतवाद्यांना थारा दिल्यास अमेरिका शांत बसणार नाही- डोनाल्ड ट्रम्प
2 झारखंडमध्ये महिलेची ठेचून हत्या
3 बार्सिलोनातील हल्ल्यात वापरलेल्या व्हॅनचा चालक मोरोक्कोचा युवक
Just Now!
X