भाजपाकडून प्रदर्शित करण्यात आलेल्या एका व्हिडीओमध्ये अण्णाद्रमुकचे संस्थापक अध्यक्ष आणि अभिनेते एम.जी. रामचंद्रन यांचा फोटो वापरण्यात आल्यानं अण्णाद्रमुकनं नाराजी व्यक्त करत भाजपा नेत्यांना सुनावलं आहे. ‘वेल यात्रा’ व्हिडीओ भाजपानं तयार केला आहे. यात वापरण्यात आलेल्या फोटोवरून टीका करताना ‘तुमच्याकडे त्यांचे स्वतःचे नेते नाहीत का? एमजीआर यांचा फोटो वापरण्याचा कुणालाही नैतिक अधिकार नाही,” अशी टीका अण्णाद्रमुकचे नेते डी जयकुमार यांनी केली आहे.