News Flash

‘या’ देशांमध्ये बोईंग ७३७ मॅक्स विमान जमिनीवर

इतकंच नव्हे सिंगापूरने बोईंग ७३७ मॅक्स या विमानांना त्यांच्या देशातील हवाई हद्दीचा वापर करण्यावरही निर्बंध घातल्याने त्याचा फटका हवाई वाहतुकीला बसण्याची चिन्हे आहेत. 

‘या’ देशांमध्ये बोईंग ७३७ मॅक्स विमान जमिनीवर
संग्रहित छायाचित्र

इंडोनेशिया व इथिओपिया या देशातील हवाई वाहतूक कंपन्यांच्या बोईंग विमानांना अपघात झाल्यानंतर फ्रान्स, ब्रिटन आणि जर्मनी या देशांनीही बोईंग ७३७ मॅक्स विमाने व्यावसायिक सेवेतून काढून घेतली आहेत. याशिवाय सिंगापूर, ओमान, मलेशिया, नॉर्वे या देशांनीही मंगळवारी बोईंग ७३७ मॅक्स सेवेतून काढून घेण्याचा निर्णय घेतला आहे. तर अमेरिकेने अद्याप विमान सेवेतून काढून घेण्याचा निर्णय घेतला नसला तरी अमेरिकेतील प्रवाशांनी विमानाबाबत शंका उपस्थित केल्याची माहिती कर्मचाऱ्यांनी हवाई वाहतूक कंपन्यांना दिली आहे.

इथिओपियन एअरलाइन्सच्या बोईंग विमानाला रविवारी भीषण अपघात झाला. इंडोनेशियातील अपघातानंतर बोईंग विमानाला हा दुसरा भीषण अपघात होता. रविवारी झालेल्या अपघातात १५७ जण ठार झाले आहेत. इथिओपियन एअरलाइन्सचे विमान नैरोबीकडे जाण्यासाठी उडाले असताना सहा मिनिटात ते कोसळले होते त्यात सर्व प्रवासी ठार झाले. या अपघाताच्या पार्श्वभूमीवर चीननेही सर्वप्रथम बोईंग ७३७ मॅक्स ८ विमाने व्यावसायिक सेवेतून काढून घेतली. त्यानंतर जगभरात विविध देशांनी बोईंग ७३७ मॅक्स या विमानांचा वापर बंद केला आहे. युरोपमधील फ्रान्स, ब्रिटन आणि जर्मनी या प्रमुख देशांसह सिंगापूर, ओमान, मलेशियान, नॉर्वे, आयर्लंड या देशांनी बोईंग ७३७ मॅक्स या विमानांचा वापर बंद केला आहे. इतकंच नव्हे सिंगापूरने बोईंग ७३७ मॅक्स या विमानांना त्यांच्या देशातील हवाई हद्दीचा वापर करण्यावरही निर्बंध घातल्याने त्याचा फटका हवाई वाहतुकीला बसण्याची चिन्हे आहेत.

दुसरीकडे अमेरिकेने बोईंग ७३७ मॅक्स या विमानासंदर्भात सावध भूमिका घेतली आहे. अमेरिकेतील दोन हवाई वाहतूक कंपन्या या विमानांचा वापर करतात. इथिओपियन एअरलाइन्सच्या बोईंग विमान अपघाताचा तपास अद्याप प्राथमिक स्तरावर आहे. यासंदर्भात सखोल तपास केल्यानंतरच पुढील निर्णय घेतला जाईल, असे अमेरिकी हवाई प्रशासनाने स्पष्ट केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2019 11:41 pm

Web Title: britain france uk australia singapore ban boeing 737 max aircraft
Next Stories
1 जैशच्या तळावरील मशिदीला धक्का न लावता केला एअरस्ट्राइक
2 मोदी सरकार हे सगळ्या आघाड्यांवर अपयशी -राहुल गांधी
3 ५० टक्के आरक्षणाची मर्यादा संविधानात नाही, केंद्राचे सुप्रीम कोर्टात प्रतिज्ञापत्र
Just Now!
X