ब्रिटनमध्ये करोनाचा नवा प्रकार समोर आल्यामुळे ब्रिटनला जाणाऱ्या विमान उड्डाणांवर तात्पुरती स्थगिती देण्यात आली आहे. ही स्थगिती आणखी काही काळ लांबू शकते, अशी माहिती नागरी हवाई वाहतूक मंत्री हरदीपसिंग पुरी यांनी मंगळवारी पत्रकार परिषदेत याबाबत माहिती दिली. यावेळी या मंत्रालयाच्यावतीने देशात लसीच्या वाहतुकीबाबतही माहिती देण्यात आली. I foresee a short extension on this temporary suspension. I don't see the extension to be long or indefinite: Union Civil Aviation Minister Hardeep Singh Puri on the temporary suspension of flights from the United Kingdom due to new variant of coronavirus pic.twitter.com/j4Xsl1G40m — ANI (@ANI) December 29, 2020 हरदीपसिंग पुरी म्हणाले, "मला वाटतं की ब्रिटनला जाणाऱ्या विमानांच्या या तात्पुरत्या बंदीत आणखी वाढ होऊ शकते. मात्र, खूप काळासाठी ही बंदी सुरु राहिलं असं मात्र मला वाटत नाही." दरम्यान, करोना प्रतिबंधक लसीच्या वाहतुकीबाबत एअर इंडियाच्या वापराबाबत नागरी हवाई उड्डान मंत्रालयाचे सचिव प्रदीप सिंह खरोला म्हणाले, " करोना लसीच्या वाहतुकीबाबत आजवर आमच्यासमोर अनेकांनी रस दाखवला आला. या प्रक्रियेच्या पुढच्या टप्प्यात मात्र बोली लावणाऱ्यांना या प्रस्तावावर स्पष्टीकरण देण्यास सांगण्यात आलं आहे." All main stakeholders incl airlines have been alerted. Exact SOPs to be formulated with Ministry of Health and Dept of Pharmaceuticals when we know exact details of vaccine. Detailed SOPs will be laid down: Secretary, Civil Aviation Ministry on transportation of COVID19 vaccine — ANI (@ANI) December 29, 2020 लसीच्या वाहतुकीबाबत मंत्रालयानं म्हटलं की, "या कामासाठी एअरलाइन्ससहीत सर्व भागधारकांना अलर्ट करण्यात आलं आहे. लसीबाबत संपूर्ण विवरण जाणून घेतल्यानंतर केंद्रीय आरोग्य मंत्रालय आणि फार्मा विभाग यासाठी मानक संचलन प्रक्रिया तयार करणार आहेत. यासाठी विस्तृतपणे एसओपी जाहीर केल्या जातील." परदेशातून परतणाऱ्यांसाठी महत्वाची माहिती करोनाचा नवा विषाणू समोर आल्यानंतर केंद्रीय आरोग्य मंत्रालयाने महत्वाची माहिती शेअर केली आहे. मंत्रालयाने म्हटलं की, "सर्व आंतरराष्ट्रीय प्रवाशी जे गेल्या १४ दिवसांत (९ ते २२ डिसेंबर) भारतात आले आहेत. ज्यांच्यामध्ये करोनाची लक्षणं आढळून आली असतील आणि त्यांची करोनाची चाचणी पॉझिटिव्ह आली असेल तर त्यांना जिनोम सिक्वेंसिंगमध्ये समाविष्ट केलं जाईल." चार राज्यात लसीकरणाचं यशस्वी 'ड्राय रन' आरोग्य आणि कुटुंब कल्याण मंत्रालयाने सांगितलं की, कोविड-१९ लसीकरणाचा अभ्यास तीन राज्यांमध्ये यशस्वीपणे पार पडला आहे. २८ आणि २९ डिसेंबर रोजी आसाम, आंध्र प्रदेश, पंजाब आणि गुजरात या राज्यांमध्ये ड्रायरनचे आयोजन करण्यात आले होते.