News Flash

प्रेमासाठी वाट्टेल ते! प्रेयसीला भेटण्यासाठी उस्मानाबादचा तरुण चालत पोहोचला भारत-पाक सीमेवर, पण त्यानंतर…

उस्मानाबादमधील तरुणाचा पायी चालत पाकिस्तानमध्ये घुसण्याचा प्रयत्न

सीमारेषा पार करुन पाकिस्तानात जाण्याचा प्रयत्न करणाऱ्या २१ वर्षीय तरुणील सीमा सुरक्षा दलाच्या (बीएसएफ) जवानांनी ताब्यात घेतलं आहे. गुजरातच्या कच्छमधून तरुणाला ताब्यात घेण्यात आलं असून हा तरुण पायी चालत पाकिस्तानात जाण्याचा प्रयत्न करत होता. झिशान सिद्दीकी असं या तरुणाचं नाव असून तो मूळचा उस्मानाबादचा आहे. पीटीआयने हे वृत्त दिलं आहे.

पोलिसांनी दिलेल्या माहितीनुसार, प्राथमिक तपासात तरुण सोशल मीडियाच्या माध्यमातून ओळख झालेल्या पाकिस्तानमधील तरुणीला भेटण्यासाठी चालला होता. “बीएसफने तरुणाला पकडलं आणि पोलिसांच्या ताब्यात दिलं. तरुण उस्मानाबादचा रहिवासी आहे,” अशी माहिती कच्छ-पूर्व पोलिस अधीक्षक परिक्षीत राठोड यांनी दिली आहे.

“गुरुवारी रात्री महाराष्ट्राचा रजिस्ट्रेशन क्रमांक असणारी एक दुचाकी बेवारस सापडल्यानंतर पोलिसांनी अलर्ट जारी केला होता. यानंतर बीएसफला एक तरुण पायी चालत सीमारेषेच्या दिशेने जात असल्याचं निदर्शनास आलं. यावेळी त्याला लगेच अडवून ताब्यात घेण्यात आलं,” अशी माहिती राठोड यांनी दिली आहे.

पोलीस सूत्रांनी दिलेल्या माहितीनुसार, झिशान सिद्दीकी इंजिनिअरिंगचा विद्यार्थी असून दुचाकीवरुन प्रवास करत उस्मानाबाद येथून गुजरातला पोहोचला होता. दुचाकी वाळूत अडकल्यानंत त्याने चालत सीमारेषा पार करत पाकिस्तानाता जाऊन सोशल मीडियावर मैत्री झालेल्या तरुणीची भेट घेण्याचं ठरवलं. पण बीएसएफने वेळीच कारवाई केली आणि त्याला ताब्यात घेत पोलिसांकडे सोपवलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 17, 2020 4:09 pm

Web Title: bsf apprehended osmanabad youngster trying to sneak into pakistan on foot in gujarat sgy 87
Next Stories
1 अमित शाह यांच्यासोबतची भेट राजकीय नाही, ठाकरे सरकार पाडण्यात रस नाही-फडणवीस
2 “आपल्या दुर्दैवी शेजाऱ्यांप्रमाणे…”, करोनाची स्थिती सांगताना इम्रान खान यांनी साधला भारतावर निशाणा
3 कुलभूषण जाधव यांना भेटण्याची पाकिस्तानकडून तिसऱ्यांदा परवानगी; भारताची अट केली मान्य
Just Now!
X