News Flash

कर्नाटकमध्ये मायावती ठरल्या युतीच्या शिल्पकार, असा केला भाजपाचा गेम

कर्नाटकमध्ये बहुजन समाज पक्ष आणि जनता दल सेक्यूलर या पक्षाची युती होती. बसपला कर्नाटकमध्ये पहिल्यांदाच एका जागेवर विजय मिळाला आहे.

बहुजन समाज पक्षाच्या सर्वेसर्वा मायावती (संग्रहित छायाचित्र)

कर्नाटकमध्ये बहुजन समाज पक्षाच्या सर्वेसर्वा मायावती या काँग्रेस- जनता दल सेक्यूलरच्या युतीच्या शिल्पकार ठरल्या आहेत. मायावती यांनी पुढाकार घेत सोनिया गांधी आणि जेडीएसचे प्रमुख एच डी देवेगौडा यांच्यात दुरध्वनीवरुन चर्चा घडवून आणल्याचे समोर आले आहे.

कर्नाटकमध्ये बहुजन समाज पक्ष आणि जनता दल सेक्यूलर या पक्षाची युती होती. बसपला कर्नाटकमध्ये पहिल्यांदाच एका जागेवर विजय मिळाला आहे. बसपने २० जागा लढवल्या होत्या. बसपला एकूण मतांपैकी ०.३ टक्के मते मिळाली आहेत. बसपची गेल्या निवडणुकीपेक्षा यंदाच्या निवडणुकीत मतांची टक्केवारी कमी झाली. पण पक्षाचा एक आमदार आल्याने बसपला दिलासा मिळाला. मायावती यांनी राज्यात चार सभा घेतल्या होत्या.

‘टाइम्स ऑफ इंडिया’च्या वृत्तानुसार मंगळवारी निकालाचे कल हाती येताच मायावती यांच्या आदेशानुसार त्यांचे निकटवर्तीय आणि राज्यसभेतील खासदार अशोक सिद्धार्थ यांनी काँग्रेस नेते गुलाम नवी आझाद यांची भेट घेतली. बहुमत नसल्याने सत्तास्थापन कशी करता येईल, याबाबत त्यांच्यात चर्चा झाली. यानंतर आझाद यांनी सोनिया गांधी यांच्याशी चर्चा केली. दुसरीकडे मायावतींनी एच डी देवेगौडा यांच्याशी चर्चा केली आणि त्यांना काँग्रेससोबत युती करण्यास राजी केले. देवेगौडा यांच्याशी चर्चा केल्यानंतर मायावतींनी सोनिया गांधींशी चर्चा केली आणि मग या युतीच्या निर्णयावर शिक्कामोर्तब झाले. यानंतर सोनिया गांधी व देवेगौडांनी चर्चा केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2018 12:43 pm

Web Title: bsp chief mayawati key role in congress jds alliance in karnataka
Next Stories
1 मेट्रो स्थानकावर खाल्लं बर्गर , पोटात गेलं प्लास्टिक तर गळ्याला झाली इजा
2 कर्नाटकात नवे नाट्य, जेडीएसचे दोन आमदार गायब
3 गोवा, मणिपूरचा दाखला देत काँग्रेसकडून कर्नाटकमधील कृतीचे समर्थन
Just Now!
X