उत्तर प्रदेशच्या माजी मुख्यमंत्री आणि बहुजन समाज पार्टीच्या सर्वेसर्वा मायावती यांनी उत्तर प्रदेशात आगामी काळात होणाऱ्या पोटनिवडणुका स्वबळावर लढण्याची भूमिका जाहीर केली आहे. मायावतींनी समाजवादी पार्टी बरोबर युती तोडण्याचे स्पष्ट संकेत दिले आहेत. उत्तर प्रदेशच्या राजकारणात सपा आणि बसपा परस्परांचे कट्टर विरोधक होते. पण लोकसभा निवडणुकीत भाजपाला धूळ चारण्यासाठी हे दोन्ही पक्ष एकत्र आले होते. पण मोदी लाटेत सपा-बसपा आघाडीचा दारुण पराभव झाला. BSP Chief Mayawati on SP-BSP coalition: However, we can't ignore political compulsions. In the results of Lok Sabha elections in UP, base vote of Samajwadi Party, the 'Yadav' community, didn't support the party. Even strong contenders of SP were defeated — ANI UP (@ANINewsUP) June 4, 2019 राजकीय निकड जी आहे त्याकडे दुर्लक्ष करुन चालणार नाही. लोकसभा निवडणुकीतील उत्तर प्रदेशच्या निकालाकडे पाहिले तर समाजवादी पार्टीचा मुख्य मतदार असलेल्या यादव समाजाने पक्षाला साथ दिलेली नाही. सपाच्या बलाढय उमेदवारांना पराभवाचा सामना करावा लागला असे मायावतींनी सांगितले. BSP Chief Mayawati on SP-BSP coalition: It's not a permanent break. If we feel in future that SP Chief succeeds in his political work, we'll again work together. But if he doesn't succeed, it'll be good for us to work separately. So we've decided to fight the by-elections alone. pic.twitter.com/VP20N4zL4Y — ANI UP (@ANINewsUP) June 4, 2019 आम्ही सपा बरोबर कायमस्वरुपी युती तोडलेली नाही. भविष्यात सपाचे प्रमुख अखिलेश यादव त्यांच्या राजकारणात यशस्वी झाले आहेत असे वाटले तर आम्ही पुन्हा एकत्र येऊ. पण ते यशस्वी झाले नाहीत तर स्वतंत्र लढण्यातच फायदा आहे. त्यामुळे पोटनिवडणूक आम्ही स्वबळावर लढण्याचा निर्णय घेतला आहे असे मायावतींनी जाहीर केले.