बहुजन समाज पक्षाचे (बसप) खासदार धनंजय सिंह यांच्या पत्नी जागृती सिंह यांच्यावर मोलकरणीची मारहाण करून हत्या केल्याची तक्रार पोलीस ठाण्यात दाखल करण्यात आली आहे.दिल्लीतील साऊथ अवेन्यू भागात असलेल्या एका इमारतीतील खोलीमध्ये राखी या मोलकरणीचा मृतदेह संशयास्पद स्थितीत आढळला. मृतदेहाच्या डोके, छाती, पोट आणि हातावर मारहाण केल्याच्या खूणा आहेत. याप्रकरणी पोलिसांनी जागृती सिंह यांना अटक केली आहे. तर, धनंजय सिंह यांनी मोलकरणीचा मृत्यू छत डोक्यावर कोसळल्यामुळे झाल्याचे म्हटले आहे. धनंजय सिंह यांचा इतिहास पाहता त्यांनाही याआधी एका दुहेरी हत्याकांडप्रकरणी कारागृहात जावे लागले आहे.
