19 September 2020

News Flash

ब्रिटनची राणी एलिझाबेथ (२) यांच्या सहाय्यकाला करोनाची लागण

बकिंघम पॅलेसमध्ये जवळपास ५०० जण काम करतात.

ब्रिटनची राणी एलिझाबेथ (दुसऱ्या)

बकिंघम पॅलेसच्या एका शाही सहाय्यकाला करोना विषाणूची लागण झाल्याची माहिती समोर येत आहे. त्यावेळी ब्रिटनची राणी एलिझाबेथ (दुसऱ्या) त्यांच्या लंडन इथल्या निवासस्थानीच होत्या. त्यामुळे आता सुरक्षेखातर त्यांना महालातून विंडसर पॅलेस याठिकाणी अनिश्चित काळासाठी पाठवण्यात आलं आहे. त्याचप्रमाणे सहाय्यकाच्या संपर्कात आलेले सर्व कर्मचारी स्वविलगीकरणात राहत आहेत.

‘द सन’ या वृत्तपत्राने दिलेल्या वृत्तानुसार, ‘बकिंघम पॅलेसमध्ये जवळपास ५०० जण काम करतात. एखाद्या कंपनीत काम करणाऱ्या कर्मचाऱ्यांइतकीच ही संख्या आहे. त्यामुळे सर्वांच्या आरोग्याची योग्य ती काळजी घेण्यात येत असल्याचं पॅलेसच्या अधिकाऱ्यांकडून सांगण्यात आलं आहे.’

आणखी वाचा : कनिका कपूरच्या संपर्कात आलेल्या २६६ जणांच्या वैद्यकीय तपासणीचा आला रिपोर्ट

करोनाची लागण झालेला सहाय्यक राणी एलिझाबेथ यांच्या संपर्कात आला होता की नाही हे अद्याप स्पष्ट झाले नाही. नुकत्याच जाहीर झालेल्या आकडेवारीनुसार, करोना विषाणूमुळे शनिवारी इंग्लंडमध्ये ५३, व्हेल्समध्ये दोन तर स्कॉटलँडमध्ये एकाचा मृत्यू झाला आहे. युकेमध्ये करोनामुळे मृतांची संख्या २३३ वर गेली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 23, 2020 3:19 pm

Web Title: buckingham palace royal aide tests covid 19 positive report ssv 92
टॅग Coronavirus
Next Stories
1 लॉकडाउनचे उल्लंघन केल्यास होऊ शकतो सहा महिने तुरुंगवास
2 मध्य प्रदेशचे मुख्यमंत्री म्हणून शिवराज सिंग चौहान यांचा आज शपथविधी?
3 Coronavirus: लॉकडाउनचे उल्लंघन करणाऱ्यांवर कायदेशीर कारवाई करा, केंद्राचे राज्यांना निर्देश
Just Now!
X