News Flash

इशरत जहॉं चकमक: ‘सीबीआय तपास अधिकाऱयांना अधिक सुरक्षा द्या’

इशरत जहॉं कथित चकमकप्रकरणी सीबीआय पहिल्या आरोपपत्रामध्ये गुप्तवार्ता विभागाचे विशेष संचालक राजेंद्र कुमार यांचे नाव घालणार नाही.

| July 1, 2013 12:56 pm

इशरत जहॉं कथित चकमकप्रकरणी सीबीआय पहिल्या आरोपपत्रामध्ये गुप्तवार्ता विभागाचे विशेष संचालक राजेंद्र कुमार यांचे नाव घालणार नाही. येत्या ४ जुलैला या प्रकरणातील पहिले आरोपपत्र उच्च न्यायालयात दाखल करण्यात येणार आहे.
या कथित चकमकप्रकरणात हात असल्याच्या आरोपामुळे राजेंद्र कुमार यांना तात्काळ निलंबित करण्याची मागणी सीबीआय केंद्रीय गृह मंत्रालयाकडे करणार नसल्याचे याआधीच स्पष्ट करण्यात आले आहे. राजेंद्र कुमार येत्या ३१ जुलैला निवृत्त होत आहेत. त्यानंतरच त्यांना अटक करण्यात येईल आणि त्यांच्याविरुद्ध आरोपपत्र दाखल करण्यात येईल. पंधरा दिवसांपूर्वी सीबीआयच्या अधिकाऱयांनी राजेंद्र कुमार यांची दिल्लीमध्ये चौकशी केली होती. हे हत्याकांड घडवून आणण्यात राजेंद्र कुमार यांची भूमिका काय होती, याची माहिती जमविण्यासाठी त्यांची चौकशी करण्यात आली.
इशरत जहॉं हिची कथित चकमकीत हत्या करण्यापूर्वी ज्या अधिकाऱयांनी तिला बेकायदा ताब्यात घेऊन तिची चौकशी केली होती. त्यामध्ये राजेंद्र कुमार हेदेखील होते. याचे पुरेसे पुरावे सीबीआयकडे असल्याचे सूत्रांनी सांगितले.
दरम्यान, या प्रकरणाचा तपास करणाऱया सीबीआयच्या अधिकाऱयांना अधिक सुरक्षा पुरवावी, अशी मागणी केंद्र आणि महाराष्ट्र सरकारकडे करण्यात आली असल्याचे सीबीआयने सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2013 12:56 pm

Web Title: cbi seeks more security for officer probing ishrat jahan encounter case
Next Stories
1 अकार्यक्षम उत्तराखंड सरकार बरखास्त करा – सुषमा स्वराज
2 सीबीआय स्वायत्तता: सरकारचा इलाज रोगापेक्षा भयंकर – जेटलींची टीका
3 …तर छत्तीसगढमधील तो हल्ला टाळता आला असता
Just Now!
X