01 October 2020

News Flash

हनीफ कडावाला खून प्रकरणाचा तपास सीबीआयमार्फत सुरू

महाराष्ट्र सरकारच्या विनंतीवरून सीबीआयने या प्रकरणाचा तपास स्वीकारला आहे.

| September 26, 2016 12:05 am

अभिनेता संजय दत्त याला एके- ५६ रायफल देणारा १९९३ सालच्या मुंबई बॉम्बस्फोट प्रकरणातील आरोपी हनीफ कडावाला याच्या खून प्रकरणाचा तपास सीबीआयने हाती घेतला असून या प्रकरणी गँगस्टर छोटा राजन याला आरोपी बनवले आहे.

महाराष्ट्र सरकारच्या विनंतीवरून सीबीआयने या प्रकरणाचा तपास स्वीकारला आहे. नियमांनुसार, राज्य पोलिसांनी दाखल केलेल्या एफआयआरच्या आधारे सीबीआय तपास सुरू करत असते.

कडावाला खून प्रकरणाच्या संबंधात छोटा राजन, त्याच्या टोळीचा सदस्य गुरू साटम व इतरांविरुद्ध भादंविच्या संबंधित कलमांनुसार तसेच शस्त्रास्त्रे कायद्याखाली प्रकरण दाखल करण्यात आल्याची माहिती सूत्रांनी दिली.

१९९३ सालच्या मुंबई बॉम्बस्फोट मालिकेत २५७ लोक ठार, तर सातशेहून अधिक लोक जखमी झाले होते. टायगर मेमनच्या सूचनेवरून हनीफने ही शस्त्रे गुजरातवरून मुंबईला आणली होती. कटात सहभागी होणे आणि गुजरात किनाऱ्यावरून शस्त्रे मुंबईला आणणे यासाठी त्याला १६ एप्रिल १९९३ रोजी ‘टाडा’ कायद्याखाली अटक करण्यात आली होती. पाच वर्षांनंतर त्याची जामिनावर सुटका करण्यात आली.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2016 12:05 am

Web Title: cbi takes over probe in hanif kadawala murder case
Next Stories
1 मिशेल यांनी माजी राष्ट्राध्यक्षांना दिली ‘जादू की झप्पी’, सोशल साइटवर फोटो झाला व्हायरल
2 मुस्लिम मतांचे आम्ही कधीच राजकारण केले नाही, मोदींचा विरोधकांना टोमणा
3 उरी हल्ल्यातील शहिदांची संख्या १९ वर, ओडिशाच्या जवानाचा उपचारादरम्यान मृत्यू
Just Now!
X