News Flash

‘करोना उद्रेक झालेल्या जिल्ह्यांत दोन आठवड्यात लसीकरण पूर्ण करा’

४५ वर्षांवरील नागरिकांच्या लसीकरणाला वेग देण्याचे केंद्राचे राज्यांना निर्देश

करोना रुग्णांच्या संख्येत अचानक वाढ झाल्यानं केंद्रानं राज्यांना महत्त्वाची सूचना केली आहे. (संग्रहित छायाचित्र)

महाराष्ट्रासह देशातील अनेक राज्यात करोनानं मगरमिठी आवळली आहे. करोना प्रसाराचा वेग प्रचंड वाढला असून, दिवसेंदिवस रुग्णसंख्येत मोठी वाढ होत आहे. विशेष म्हणजे देशातील काही जिल्ह्यांत करोनाचा उद्रेक झाल्याचं केंद्रीय आरोग्य मंत्रालयानं म्हटलं असून, या जिल्ह्यातील परिस्थिती नियंत्रणात आणण्यासाठी केंद्राने राज्यांना महत्त्वाचे निर्देश दिले आहेत. नवीन कृती कार्यक्रम केंद्राने हाती घेतला असून, राज्यांनाही सूचना दिल्या आहेत.

महाराष्ट्रासह काही राज्यात करोनाची दुसरी लाट आली आहे. चिंतेची बाब म्हणजे दुसऱ्या लाटेनं तर महाराष्ट्रातील रुग्णसंख्येचे आतापर्यंतचे उच्चांक मोडीत काढला आहे. त्याचबरोबर इतरही ७ राज्यात करोनानं डोकं वर काढल्यानं केंद्रीय आरोग्य मंत्रालयाने राज्यांना करोना नियंत्रणासाठी कृती कार्यक्रम दिला आहे.

केंद्रीय आरोग्य सचिव राजेश भूषण यांनी याबद्दलची मंगळवारी माहिती दिली. ज्या जिल्ह्यांमध्ये करोना रुग्णांची संख्या प्रचंड वेगानं वाढत आहे. राज्य सरकारने त्या जिल्ह्यांमधील ४५ वर्षांवरील नागरिकांचं लसीकरण दोन आठड्यात पूर्ण करावं. लसीकरण करताना ज्येष्ठ नागरिकांना प्राधान्य दिलं जावं. त्याचबरोबर करोना रुग्णाच्या संपर्कात आलेल्या २५ ते ३० जणांचा शोध घ्यावा, त्यांच्या विलगीकरणाची व्यवस्था करण्यात यावी, जेणेकरून करोना रुग्णसंख्या कमी करण्यात यश येईल, असं केंद्रानं म्हटलं आहे.

राजेश भूषण यांनी राज्यांच्या मुख्य सचिवांना यासंदर्भात पत्रही पाठवलं आहे. करोना नियंत्रणासाठी राज्यांनी पोलीस कायदा आणि आपत्ती व्यवस्थापन अधिकारांचा जिल्हास्तरावर योग्यपणे वापर करायला हवा. कंटेनमेंट झोन असलेल्या परिसरातील करोना पॉझिटिव्ह लोकांना वा कुटुंबांना घरातच क्वारंटाइन केल्यानं फार परिणामकारक ठरणार नाही. त्याऐवजी कंटेनमेंट झोन करून नियमांची कठोर अंमलबजावणी करावी लागेल. टेस्टिंग, ट्रॅकिंग आणि ट्रिटमेंट यावर भर देण्यात यावा आणि जिल्हास्तरावर कृती कार्यक्रम तयार करण्यात यावा, असंही केंद्रीय आरोग्य मंत्रालयाने राज्यांना सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 31, 2021 12:51 pm

Web Title: centre govt asks states to vaccinate all above 45 in 2 weeks in districts seeing surge in covid cases bmh 90
टॅग : Coronavirus
Next Stories
1 येत्या निवडणुकीत नवीन ईव्हीएम वापरले जातील, आयोगाने मद्रास हायकोर्टाला दिली माहिती
2 समलैंगिक वकिलाची हायकोर्टाचे न्यायाधीश म्हणून शिफारस; सरन्यायाधीशांनी केंद्राला पत्र लिहून मागवली माहिती
3 उलटी आल्याने मुलीने डोकं बसच्या खिडकीतून बाहेर काढलं आणि तितक्यात समोरुन वेगाने ट्रक आला अन्..
Just Now!
X