छत्तीसगडमधील निवडणूक प्रचार सध्या जोमात सुरू आहे. राजकीय पक्ष आरोप-प्रत्यारोप करत आहेत. भाजपा अध्यक्ष अमित शाह यांनी आज छत्तीसगडमध्ये काँग्रेस पक्षावर टीकास्त्र सोडले. ज्या पक्षाला नक्षलवाद्यांमध्ये क्रांतिकारक दिसतात. नक्षलवाद हा क्रांतीचं माध्यम वाटतो, तो पक्ष कधीच छत्तीसगडचं भलं करू शकत नाही,’ अशा शब्दांत भाजपाध्यक्ष अमित शाह यांनी काँग्रेसवर निशाना साधला. यावेळी शाह यांनी छत्तीसगड राज्यातील भाजपा सरकारनं केलेल्या विकासकामांचा हवालाही दिला. ‘छत्तीसगड सरकारनं विकासाचे सगळे विक्रम मोडले आहेत. राज्याला नक्षलमुक्त केलं आहे. ही निवडणूक ‘नवीन छत्तीसगड’च्या निर्मितीसाठी होत आहे. त्यासाठी राज्यातील बुद्धिवादी, महिला, तरुण, शेतकरी व सर्वसामान्य माणसाशी संवाद साधून भाजपनं आपला जाहीरनामा तयार केला आहे. छत्तीसगडची जनता पुन्हा एकदा आम्हाला आशीर्वाद देईल, असा विश्वास शाह यांनी व्यक्त केला आहे.