तोंडावर आलेल्या लोकसभा निवडणुका आणि मध्यमवर्गीयांबरोबरच उद्योग क्षेत्राचीही असलेली नाराजी अशा कात्रीत सापडलेल्या केंद्र सरकारने सोमवारी हंगामी अर्थसंकल्प सादर करताना या दोन्ही वर्गाला खूष करणारे ‘मतानुदान’च मांडले. मात्र, असे असले तरी हे मतानुदान अवघे चार महिन्यांचेच असेल. लोकसभा निवडणुकानंतर जूनमध्ये नवीन सरकार सत्तारुढ झाल्यानंतरच खऱ्या अर्थाने अर्थसंकल्प सादर होणार असल्याने सध्या तरी वरील दोन्ही वर्गातील उत्साहाचे वातावरण अल्पजीवी ठरण्याचीच शक्यता अधिक आहे. धोरणलकव्याच्या आरोपांनी घायाळ झालेल्या केंद्र सरकारने सोमवारी मध्यमवर्गीयांबरोबरच उद्योग क्षेत्रालाही खूष करणारा हंगामी अर्थसंकल्प सादर केला. अर्थमंत्री पी. चिदम्बरम यांनी लेखानुदान मांडताना गेल्या दहा वर्षांत केंद्र सरकारने केलेल्या कामांची उजळणी केली. वित्तीय व महसुली तूट यांना चाप घालण्यात सरकारला यश आले असल्याचे त्यांनी स्पष्ट केले. दुचाकी वाहने, मोटारी, मोबाइल, टीव्ही, फ्रीज यासारख्या ग्राहकोपयोगी वस्तूंवरील अबकारी कर कमी करण्यात आला असून प्राप्तिकरात मात्र कोणताही बदल करण्यात आलेला नाही. अतिश्रीमंत व्यक्तींवरील अधिभार मात्र कायम ठेवण्यात आला आहे. साठवण व वखारगृहांना सेवाकरातून सूट देण्यात आली आहे. गेल्या वर्षी तांदळाच्या साठवणीवरही सेवाकर रद्द करण्यात आला होता. धोरणलकवा नाहीचसरकारवर होणाऱ्या धोरणलकव्याच्या आरोपाचा अर्थमंत्र्यांनी जोरदार इन्कार केला. त्यासाठी त्यांनी धोरणात्मक निर्णयांची जंत्रीच सादर केली. साखर नियंत्रणमुक्त, डिझेल दरात सुधारणा, रेल्वेभाडय़ाचे सुसूत्रीकरण, नवीन बँकांना परवाने व वीज कंपन्यांची फेररचना आदींचा उल्लेख त्यांनी केला. मंत्रिमंडळाने २९६ प्रकल्पांना हिरवा कंदील दिल्याचेही चिदम्बरम म्हणाले. नोटांच्या कागदासाठी..बँक नोट्स पेपर मिल प्रा.लि. या कंपनीला देशांतर्गत पातळीवर नोटा छापण्याचा कागद तयार करता यावा यासाठी भांडवली वस्तूंवरील सीमाशुल्क पाच टक्के करण्यात आले. संरक्षणावरील खर्चात वाढयंदाच्या लेखानुदानात संरक्षणावरील खर्चात दहा टक्के वाढ सुचवण्यात आली आहे. आगामी वर्षांसाठी संरक्षणावरील खर्चासाठी दोन लाख २४ हजार कोटी रुपयांची तरतूद करण्यात आली आहे. तसेच माजी सैनिकांना दिलासा देताना एक श्रेणी-समान वेतन हे तत्त्व लागू करण्याचे सरकारने तत्त्वत: ठरवले आहे. स्वस्तमोटारीस्पोर्ट्स युटिलिटी व्हेईकल्स मोबाइल भारतात उत्पादित मोबाईल फोन दुचाकीव्यावसायिक वाहनेटीव्ही, फ्रीज, संगणक, संगणकाचे सुटे भाग, व्हॅक्युम क्लीनर, डिश वॉशर, वॉटर कुलर, टॉर्च लाइट, स्कॅनर्स, इस्त्री, एमपी३ प्लेअर, डीव्हीडी प्लेअर, साबण मला कोणालाही खूष करायचे नव्हते. मला फक्त लोकांना थेट एवढेच सांगायचे होते की अर्थव्यवस्था सध्या संक्रमणावस्थेतून जात आहे. जागतिक मंदीच्या पाश्र्वभूमीवर आपल्या अर्थव्यवस्थेने चांगली कामगिरी नोंदवली आहे. मात्र, असे असले तरी अजून खूप पल्ला आपल्याला गाठायचा आहे.- पी. चिदम्बरम, केंद्रीय अर्थमंत्री.
