26 September 2020

News Flash

मसूद अझहरप्रकरणी चीनची विरोधी भुमिका हे मोदींच्या ‘झुला डिप्लोमसी’चं अपयश : ओवेसी

ओवेसी म्हणाले, जेव्हा चीनने दहशतवादी मसूद अझहरला ब्लॅकलिस्ट करण्यास नकार दिला तेव्हा मोदी सरकार चीनकडून ६३० कोटी रुपयांचे बुलेटप्रुफ जॅकेटची ऑर्डर देण्यात व्यस्त होते.

खासदार असदुद्दीन ओवेसी

जैश-ए-महंम्मदचा म्होरक्या मसूद अझहर याला संयुक्त राष्ट्रांच्या सुरक्षा परिषदेत आंतरराष्ट्रीय दहशतवादी घोषित करण्याच्या भारताच्या प्रयत्नांना चीनने खोडा घातला आहे. हा प्रकार पंतप्रधान नरेंद्र मोदींच्या ‘झुला डिप्लोमसी’चा पराभव आहे, अशा शब्दांत एमआयएमचे प्रमुख असदुद्दीन ओवेसी यांनी मोदींवर सडकून टीका केली आहे.


ओवेसी म्हणाले, जेव्हा चीनने दहशतवादी मसूद अजहरला ब्लॅकलिस्ट करण्यास नकार दिला तेव्हा मोदी सरकार चीनकडून ६३० कोटी रुपयांचे बुलेटप्रुफ जॅकेटची ऑर्डर देण्यात व्यस्त होते. भारताने ही ऑर्डर केवळ चीनलाच का दिली. दुसऱ्या देशाकडून ही जॅकेट्स का घेण्यात आली नाहीत, याच उत्तर मोदींनी देशाला द्यायला हवं.

गेल्या दहा वर्षांत चीनने बुधवारी चौथ्यांदा मसूद अझहरला आंतरराष्ट्रीय दहशतवादी घोषित करण्यास नकार दिला. यासंबंधीचा प्रस्ताव अमेरिका, युके आणि फ्रान्सने संयुक्त राष्ट्रांच्या सुरक्षा परिषदेत मांडला होता.

दरम्यान, ओवेसी यांनी भाजपावर आरोप करताना म्हटले की, केंद्र सरकारच्या मुद्रा लाभार्थ्यांची नेमकी माहिती देण्यासही सरकारने नकार दिला आहे. याद्वारे सरकार आपले अपयश झाकण्याचा प्रयत्न करीत आहे. या माहितीचा अहवाल हा सार्वजनिक व्हायलाच हवा अशी मागणीही त्यांनी यावेळी केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 14, 2019 5:52 pm

Web Title: china blocking proposal on masood azhar a failure of jhula diplomacy says owaisi
Next Stories
1 मुलगा पहायला गेलेल्या मुलीच्या बापाने सॅलरी स्लिप मागीतली अन्…
2 क्रिकेटर मोहम्मद शमीविरोधात हुंडा आणि लैंगिक छळ प्रकरणी गुन्हा दाखल
3 स्टीफन हॉकिंग यांच्या असमान्य व्हिलचेअरचे फिचर्स वाचून तुम्ही थक्क व्हाल
Just Now!
X