08 August 2020

News Flash

अमेरिकेसह जगाच्या अतोनात नुकसानाला फक्त चीन जबाबदार-ट्रम्प

डोनाल्ड ट्रम्प यांचा चीनवर आणखी एक आरोप

संग्रहित छायाचित्र

अमेरिकेसह जगाच्या अतोनात नुकसानाला चीन जबाबदार आहे असं वक्तव्य आता अमेरिकेचे राष्ट्राध्यक्ष डोनाल्ड ट्रम्प यांनी केलं आहे. याचं कारण अर्थातच करोना आहे. करोनामुळे अनेक देशांची आर्थिक घडी आणि गणित विस्कटलं आहे. चायना व्हायरस असं नाव डोनाल्ड ट्रम्प यांनी करोना व्हायरसला दिलंय. याआधीही त्यांनी चीनवर या व्हायरसवरुन आरोप केले आहेत. आता तर अमेरिकेसह जगात जे काही नुकसान होतंय त्याला चीन जबाबदार असल्याचा आरोप ट्रम्प यांनी केला आहे.

काही वेळापूर्वीच डोनाल्ड ट्रम्प यांनी त्यांच्या ऑफिशियल ट्विटर अकाऊंटवरुन हे ट्विट केलं आहे. त्यात ते म्हणतात की अमेरिकेसह जगभरात जे काही अतोनात नुकसान होतंय त्याला चीन जबाबदार आहे.

करोना व्हायरसचा प्रादुर्भाव होऊ लागला होता तेव्हा डोनाल्ड ट्रम्प यांनी सुरुवातील ते गांभीर्याने घेतलं नाही. तसंच त्यांनी या व्हायरसला वुहान व्हायरस, चायना व्हायरस अशीही नावं दिली. मात्र सध्याच्या घडीला करोनाच्या सगळ्यात जास्त केसेस या अमेरिकेत आहेत. आत्तापर्यंत करोनाची लागण होऊन १ लाख ३० हजार लोकांचा मृत्यू झाला आहे. करोना अमेरिकेत नियंत्रणात आहे अशी घोषणा ट्रम्प यांनी केली होती. मात्र वास्तव हेच आहे की परिस्थिती नियंत्रणात नाही. अमेरिका, भारत यांच्यासह जगातल्या प्रमुख देशांना या रोगाचा फटका बसला आहे. त्यामुळे आता डोनाल्ड ट्रम्प यांचं नवं वक्तव्य समोर आलं आहे. ज्यामध्ये अमेरिकेसह सगळ्या जगाच्या नुकसानाला चीन जबाबदार आहे असं त्यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 6:52 pm

Web Title: china has caused great damage to the united states and the rest of the world says donald trump scj 81
Next Stories
1 “मोदींनी देशाची माफी मागावी”; चिनी सैन्य माघारी परतताच काँग्रेसनं केली मागणी
2 गलवानमध्ये सैन्य मागे हटल्यानंतर चीनकडून पहिली प्रतिक्रिया आली म्हणाले….
3 Delhi Riots: दंगलीसाठी ओमान, यूएईवरुन आला पैसा; पोलिसांनी व्यक्त केला संशय
Just Now!
X