09 July 2020

News Flash

५९ अ‍ॅपवर बंदीनंतर चीनची पहिली प्रतिक्रिया; म्हणाले “आम्ही या…..”

चीनकडून आली पहिली प्रतिक्रिया...

(चीनच्या परराष्ट्र मंत्रालयाचे प्रवक्ते झाओ लिजियन यांचं संग्रहित छायाचित्र, एएनआय)

केंद्र सरकारने भारतात ५९ चिनी अ‍ॅप्स बॅन केल्यानंतर आता चीनकडून पहिली प्रतिक्रिया आली आहे. चीनच्या परराष्ट्र मंत्रालयाचे प्रवक्ते झाओ लिजियन यांनी, त्यांचा देश भारताने उचललेल्या पावलानंतर चिंतेत असल्याचं म्हटलं असून परिस्थितीची पडताळणी सुरू असल्याचं सांगितलं आहे.

वृत्तसंस्था एएनआयने ट्विटरद्वारे याबाबतचं वृत्त दिलं आहे. या वृत्तानुसार, चिनी अ‍ॅप्स बॅन करण्याच्या भारताच्या निर्णयावर प्रतिक्रिया देताना, “चीन याबाबत चिंतेत असून परिस्थितीची पडताळणी सुरू आहे” अशी प्रतिक्रिया झाओ लिजियन यांनी दिली.

अजून वाचा : (CamScanner, TikTok वरील बंदीचं ‘नो टेन्शन’, ही घ्या पर्यायी Apps ची लिस्ट)

दरम्यान, वापरकर्त्यांची माहितीचोरी, तिचा गैरवापर, राष्ट्रीय सुरक्षेला धोका आणि नागरिकांची मागणी यांच्या आधारे ५९ अ‍ॅप्सवर बंदी घालून भारताने चीनला दणका दिला आहे. यामध्ये टिकटॉक, कॅमस्कॅनर, शेअरइट अशा अनेक लोकप्रिय अ‍ॅप्सचाही समावेश आहे.

अजून वाचा- ‘तो’ आरोप चुकीचा, भारत सरकारने बंदी घातल्यानंतर TikTok चा खुलासा

देशाच्या राष्ट्रीय सुरक्षेला धोकादायक असलेले घटक या माहितीचा गैरवापर करीत असून त्याद्वारे देशाची एकात्मता आणि सार्वभौमत्वाला धक्का पोहोचत असून ही अतिशय गंभीर आणि चिंताजनक बाब असून त्यावर तातडीने उपाययोजना करणे आवश्यक आहे, असे केंद्रीय प्रसारण मंत्रालयाने बंदीचे आदेश जारी करताना म्हटले आहे. हे हानीकारक अ‍ॅप बंद करण्यासंदर्भात केंद्रीय गृहमंत्रालयानेही सूचना केली होती. तसेच नागरिकांतूनही या अ‍ॅपबाबत तक्रारी येत होत्या, असेही मंत्रालयाने या आदेशांत म्हटले आहे. केंद्रीय माहिती प्रसारण मंत्रालयाने माहिती तंत्रज्ञान कायद्यातील तरतुदींचा आधार घेत ही कारवाई केली. माहिती तंत्रज्ञान कायद्याच्या कलम ‘६९अ’ मधील तरतुदींचा आधार घेत ५९ अ‍ॅपवर बंदी आणण्यात आल्याचे केंद्र सरकारने जाहीर केले. अँड्रॉइड आणि आयओएस प्रणालींवर प्रचलित असलेल्या या अ‍ॅपकडून भारतीय वापरकर्त्यांची माहिती बेकायदा साठवून भारताबाहेरील सव्‍‌र्हरना पुरवली जात असल्याच्या तक्रारी विविध माध्यमांतून करण्यात आल्या होत्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 30, 2020 2:12 pm

Web Title: china says strongly concerned after india blocks 59 chinese apps sas 89
Next Stories
1 आज या मुद्यांवर पंतप्रधान मोदी बोलणार?
2 महिलेचा बांगड्या व कुंकूस नकार म्हणजेच विवाहास नकार – हायकोर्ट
3 हाँगकाँगवर संपूर्ण कब्जा मिळवणारा कायदा चिनी संसदेत मंजूर
Just Now!
X