20 September 2020

News Flash

गलवान खोरं, हॉट स्प्रिंग, गोग्रामधून ड्रॅगन मागे हटला पण….

चीनला नेमकं काय करायचय?

२३ जुलै १९६२: हॉट स्प्रिंग भागात गोळीबाराची पहिली घटना घडली. वृत्त: लडाख खोऱ्यात चिनी सैन्याने केलेल्या गोळीबारात दोन जवान जखमी झाले असे वृत्त प्रसिद्ध झाले होते. पँगाँगमध्ये भारताने संयम बाळागला व प्रत्यृत्तर दिले नाही असे वृत्त त्यावेळी प्रसिद्ध झाले होते. चीप-चाप नदीजवळही गस्तीवर असणाऱ्या भारतीय सैनिकांवर गोळीबार झाल्याचे वृत्त होते.

खास चीनसाठी बनवण्यात आलेल्या विशेष रणनितीक गटाची काल राष्ट्रीय सुरक्षा सल्लागार अजित डोवाल यांच्या अध्यक्षतेखाली बैठक पार पडली. पूर्व लडाखमध्ये एकूणच चार ठिकाणी संघर्षाची स्थिती निर्माण झाली होती. तिथून आता चिनी सैन्याची माघारी फिरण्याची प्रक्रिया सुरु आहे. या बैठकीत एकंदर परिस्थितीचा आढावा घेण्यात आला व सरकारचे पुढचे पाऊल ठरवण्यासंबंधी चर्चा झाली.

चिनी सैन्य माघारी फिरण्यास सुरुवात झाल्यानंतर विशेष रणनितीक गटाची झालेली ही पहिली बैठक आहे. लडाखच्या गलवान भागातील पेट्रोलिंग पॉईंट १४ (गलवान खोरं), पेट्रोलिंग पॉईंट १५ (हॉट स्प्रिंग) आणि पेट्रोलिंग पॉईंट १७ (गोग्रा) येथून चिनी सैन्य माघारी फिरले आहे. चीनने या भागातून आपले वाहने, तंबू, सैन्य हटवले आहे. पण पँगाँग टीएसओ सेक्टरमध्ये मात्र चिनी सैन्य मागे हटण्याची प्रक्रिया अत्यंत धीम्यागतीने सुरु आहे. हिंदुस्थान टाइम्सने हे वृत्त दिले आहे.

पँगाँगमधील फिंगर फोर हा पहिल्यापासून कळीचा मुद्दा राहिला आहे. चीनने फिंगर फोरपर्यंत रस्ता बांधणी केली आहे तसेच बंकर, पीलबॉक्स, टेहळणी चौकी सुद्धा उभारली आहे. फिल्ड रिपोर्ट्सनुसार पूर्व लडाखमध्ये चिनी हवाई दलाच्या फायटर विमानांची उड्डाणे कमी झाली आहेत. पण जमिनीवर चिनी सैन्य पूर्णपणे सज्ज आहे. अरुणाचल प्रदेश जवळच्या एलएसीवरही चीनने सैन्याची जमवाजमव केली आहे.

गलवान भागाच्या तुलनेत डेपसांगमध्ये अजूनही चिनी सैन्य मागे हटलेलं नाही. १७ हजार फूट उंचावर असलेल्या डेपसांगमध्ये चिनी सैन्याची आक्रमक भूमिका कायम आहे. डेपसांग राकी नाला भागात चीनने घुसखोरी केल्यामुळे भारतीय सैन्याला पॉईंट १०, ११, ११ए आणि १३ पर्यंत पेट्रोलिंग करता येत नाहीय. पँगाँग टीएसओ आणि डेपसांगमधील चिनी सैन्याच्या हालचालींवर भारतीय सैन्याचे अत्यंत बारीक लक्ष आहे. भारताने सुद्धा या भागात पूर्ण सज्जता ठेवली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 9, 2020 1:05 pm

Web Title: chinese troops continue to remain aggressive posture in the depsang dmp 82
Next Stories
1 संक्रमणाचा धोका वाढला; एका रुग्णांपासून १.१९ लोकांना करोनाचा संसर्ग
2 करोना विषाणू मारणारे फिल्टर तयार; संशोधकांचा दावा
3 रेल्वेच्या खासगीकरणाबाबत पीयूष गोयल यांचं मोठं वक्तव्य; म्हणाले…
Just Now!
X