14 August 2020

News Flash

सिप्लाच्या रेमडेसिविरची किंमत केवळ चार हजार रुपये

८० हजार कुप्या पहिल्या महिन्यात उपलब्ध

संग्रहित छायाचित्र

 

करोनावर काही प्रमाणात उपयुक्त असलेल्या रेमडेसिविर औषधाची प्रजातीय आवृत्ती सिप्ला या बहुराष्ट्रीय कंपनीने उपलब्ध केली असून, एका कुपीसाठी ४ हजार रुपये दराने ते उपलब्ध केले जाणार आहे.

अमेरिकेच्या अन्न व औषध प्रशासनाने करोनावरील आपत्कालीन उपचारांकरिता रेमडेसिविर औषधाला मान्यता दिली होती. त्याची प्रजातीय आवृत्ती सिप्ला कंपनीने तयार केली आहे. याआधी कंपनीने शंभर मि.ग्रॅ.च्या कुपीसाठी पाच हजार रुपये आकारले होते व पहिल्या महिन्यात ८० हजार कुप्यांची विक्री करण्याचा उद्देश होता.

सिप्लाचे कार्यकारी उपाध्यक्ष निखिल चोप्रा यांनी सांगितले की, त्यांच्या कंपनीने ‘सिप्रीमी’ नावाने रेमडेसिविरची प्रजातीय आवृत्ती जारी केली असून ती जगात सर्वात कमी किमतीची आहे. अशा ८० हजार कुप्या पहिल्या महिन्यात उपलब्ध करून दिल्या जातील.

मायलान एनव्ही कंपनीने सोमवारी त्यांच्या प्रजातीय रेमडेसिविर औषधाची १०० मि.ग्रॅ.ची कुपी ४८०० रुपयांना मिळेल असे जाहीर केले असून हेटरो या हैदराबादच्या कंपनीने त्यांच्या औषधाची किंमत कुपीमागे ५४०० रुपये ठेवली आहे. गिलीड सायन्सेस इनकॉर्पोरेशनशी हेटरो, सिप्ला, ज्युबिलंट लाइफ सायन्सेस यांचे या उत्पादनासाठी निर्मिती वितरण करार झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 10, 2020 12:06 am

Web Title: ciplas remedesivir costs only four thousand rupees abn 97
टॅग Coronavirus
Next Stories
1 समूह संसर्ग नाही, फक्त स्थानिक उद्रेक
2 नेपाळमध्ये भारतीय न्यूज चॅनल्सचं प्रसारण बंद, हे आहे कारण
3 करोनापासून बचाव होण्यासाठी ममता बॅनर्जींनी दिल्या ‘या’ सूचना
Just Now!
X